Estd.

1989

Vol. XXV, No.213. BI - MONTHLY BULLETIN OF KTP KULIKAWN BRANCH 1st- - 15th Dec, 2012
KTP Thil Tumte 1. Isua Krista rinna leh Amah anna kawnga thalaite hruai 3. Kohhran hnathawh tih puitlin 2. Kohhran kutke ni tura thalaite buatsaih. 4. Krista Chanchintha puandarh

KTP THUTHAR KULIKAWN BRANCH KOHHRAN ZAIPAWL Ni 25.11.2012 zan inkhawm ah khan Kulikawn Vengthlang Kohhran indan lawmna ah Kohhran zaipawl member 100 vel lai in hla kan rem theih avangin a lawmawm takzet a . Member te Krismas leh kumthar a rem tur hla te thahnemngai tak a hla zir thin turin kan in ngen nawn leh mawlh mawlh a ni e. BIAL HUAP THISEN PEK RC HALL AH Ni 30.11.2012 (Inrinni) zing chaw eikham atang khan Kulikawn Bial KTP ruahmanna angin thisen pek run pui Kulikawn Kohhran R.C.Hall ah neih a ni a. Hemi inbuatsaih na atan hian ni 29.11.2012 (Zirtawp zan) ah KTP hna tlang neih a ni bawk. Member kal kan tha thawkhat a, thisen hi Synod Hospital, Durtlang tan pek a ni. RAL NA HUN HMANG Ni 2.11.2012 a boral kan KTP member Tv.Laltlanthanga s/o Pi Varhmingliani (L) ralna hun chu ni 25.11.2012 tlai dar 3:00 khan neih a ni a. Member engngemaw zat Kan kal thei a. Khawhar chhung te kan tuar pui tak zet a,Pathian in awmpui zel se tih hi kan tawngtaina pawh a ni. CENTRAL KTP PROGRAMME Ni 28.11.2012(Nilai ni) khan CKTP buatsaihin Consultation on Evangelisim, Mission Veng Kohhran Hall ah neih a ni a. Hetah hian kan branch atangin Nl.Zodingpuii Sailo, Br,Com.Member a tel thei a, lawmawm kan ti hle a ni. KULIKAWN VENGTHLANG BRANCH ZAIPAWL TEN HLA REM THEI Ni 24-25.11. 2012 chhung khan Kulikawn Vengthlang Branch Church chu kohhran puitlingah Upa.R.Khawpuithanga, Chhimphei Presbytery Moderator chuan hlanna a nei a. Hetah hian Kohhran zaipawl ten inkhawm hun vawi 3 ah hla remin, hlapui te an rem thei a, lawmawm an ti hle. WORK CAMP NEIH NA AH KTP November ni 30-December ni 2.2012 inkar chhung hian Home Mission North a Sihthiang hmun ah an kohhranin work camp nei in an thang mek a. KTP member te pawh an tel thei a, lawmawm an ti hle a ni. MISSIONARY TURIN TLING THAR Tun hnai maia Synod in Contract Missionary a lak thar zingah an branch member pahnih, Nl Ramnunpuii (Mimi) leh Tv. Samuel Lalremfima te an tling a, an chhuangin an lawmpui hle a, duhsakna an hlan bawk a ni. CENTRAL KTP PROGRAMME Ni 28.11.2012 khan CKTP buatsaih Consultation on Evangelisim, neihah an branch aiawhin Pu Lalmuansanga, Asst Secy a tel.

KAN THINLUNG I HLAN ANG U

Thupuan 3:20
Nl. Vanlalruati Branch Committee Member

Kan Bible-ah hian Pathian hmangaihna ropui zia tarlanna chang mawi leh lar em em mai pakhat chu Chanchintha Johana 3:16 - Pathianin khawvel a hmangaih em em a, chutichuan a fapa mal neih chhun a pe a, amah chu tupawh a ring apiang an boral lohva chatuana nunna an neih zawk nan, tih kan hmu a ni. Kan phu vang ni hauh lovin nang leh kei min hmangaih avangin chatuan nunna kan neih theihnan, Pathianin a fapa mal neih chhun chu a thlawn liau liauin min chhandamnan a rawn tir a, a makin a ropui em em a, mihring tawng hian a sawifiah zo lo. KHB No 43-na hian Pathian hmangaihna ropui zia hi a tarlang thiam hlein ka hria, Tuifinriat zawng hlo tui chang se, Ziaktu atan thingzar tinreng. Lehkhaphekah van khi chang se, Ziaktu atan chuan mi tin reng. A hmangaihna puang dawn ila, A kang zo ngei ang e, A leng dawnlo a hlai tawk lo, a hril seng chuang lawng e. He hla hian a sawi uar thiam em em a, mahse hei pawh hian Pathian hmangaihna ril zia chu a chanve pawh ala phawk chhuak zo chuanglo. Amaherawhchu Pathian hian heti taka a hmangaih mihringte nunah hian phut let leh duh a nei a, a chunga kan chang thlan Thupuan 3:20 a kan hmuh ang hian kan thinlungah hian lo chen a lal ber nih a duh a.chumi atan chuan Lal Isua hian tlawm tak inthlahrung takin kan thinlung kawngkhar a kik mek a, kan thinlung chhungril ber hi a chenna atan min dil mek a ni, atan kan hlan phal em le? Johana bung 2:23-24 ah khan kan hmu a, Lal Isua khawvela a len lai khan damlo te a ti dam a,thil mak tam tak te a ti thin a, mi tam takin an zui dul dul thin a ni, mahse Lal Isua chu an lakah a ngampa lo tlat, a chhan chu mihring thinlung chhung a hriat tlat avangin, an thinlung an nun chhungril tak tak kha a hmuh avangin a tan an lakah ngampatna chi ah a ngailo a ni. Inpumkhatna leh inpawhna tak tak nei tur hian Pathian leh mihring inkarah mai nilovin mihring leh mihring inkarah pawh hian thinlung hi a lo pawimawh khawp mai, mihring inpawhna tak tak thlentu chu thinlung lam inhriat tawnna leh inzawmna hi a ni, hei hian mihring nunah inpawhna leh inzawmna a ti nghet a, hmangaihna tak ta a lo piang thin a ni, thinlung lam inpawhna tel lo chuan mihring inhmangaihna hi a famkim tak tak thei lova, nula leh tlangval inkara hmangaihna inpumkhatna lo piang thin te pawh hi he thinlung inpawhna leh inpek tawnna avanga zel hi a lo ni. Roreltu 16:15 ah khan Delili khan Samsona chakna chhan thuruk kha hriat tumin a dawp nasa mai a, mahse Samsona khan a tir lamah chuan a zep tlat a, a chana chhan dik tak nilo kha Delili a hrilh a a tihder thin a ni, Thal hrui thar la ro hlek lovin min phuar se, tichuan ka chaklo mai ang te a ti, a chang leh hruizen thar la hman hlek lovin min phuar se, ka sam hi puan tah hnan la a ni mai te a ti a, a sawi ang apingin Philistia ho khan an han ti a, mahse a sawi ang kha a lo ni silova, a chakna chu a la pangngai reng tho mai a, tichuan Delili chuan Samsona hnenah chuan I thinlung mi pe hlek silovin engtia ka hmangaih che mi ti thei nge maw i nih le a ti a a thinur ta a, chutah chuan Samsona chuan a chakna chhan chu a inzep zo ta lova, a inpuang fai ta vek tih kan hmu a ni. Tin, Samuelan Israel lal atan Davida hriak a thih dawn tum khan Jesaia fapa te zaingah Eliaba chu an ko hmasa ber a, Samuela chuan a lo en a, Lalpa hriak thih chu a hmaa awm hi a ni ngei mai a ti a, Nimahsela Lalpa chuan Samuela hnenah A hmel lam emaw a san lam emaw en suh, a ni hi chu ka duh loh a ni. Lalpa chuan mihring en danin a en ve silova, mihring chuan pawn lam landan an en thin a, Pathian erawh chuan thinlung lam a en zawk thin a ni a tih thu kan hmu bawk a.Lalpa ka hmangaih che, Isu ka hmangaih che, I ta ka ni ti fo thin mah ila kan thinlung a hnena kan pek tak tak siloh chuan Lal Isua hian I thinlung mi pe hlek silovin engtinnge ka hmangaih che min tih theih min la ti ve mai ang tih a va hlawhawm em. Sam 51: 6-ah khan Ngai teh chhungril lamah te hian ( Phek 2-na ah a chhunzawmna)

-2Vol. XXV, No.23. BI - MONTHLY BULLETIN OF KTP KULIKAWN BRANCH 1 -15 Dec, 2012
st th

Editorial..
FiahnaChhungkaw sakhua ah chuan Lalpa ang chhunga naupangte enkawl chhohna leh chawm chhohnate a huam vek a.Chhungkaw member-tinte chu krista zirtirna hmanga chawm len a,Setanaan a buma,krista hnen atanga a hruai bo loh nan khauh taka venhim tur an ni.He dinhmun hi chhung tinin thlen tum vek sela,beidawng lovin bei hram hram rawh se.Nu leh pate chuan theih tawp chhuaha an fate chu an zirtir a, an ven that bawk a,Pathian ropuina chauh an thlir chuan Pathian an thawhpui tihna a ni a,Pathian pawhin Krista thihchhan an fate thlarau chhandam turin anni chu a thawhpui ve ang.Sakhaw thila inzirtirna hi thil danga inzirtirna satliah nen chuan a inang thei lo.A awmzia dik tak chu in fate chu in tawngtaipui ang a,Krista hnen thlen dan zirtirin an mamawh zawng zawng a hnena thlen zel turin in zirtir ang tihna a ni.Chubakah in nunah krista chu in engkim a ni tih te,Pathian hmangaihna avang chuan in zaidamin in ngilnei a, mahse Abrahama ang khan fate in enkawlna-ah in ding nghet tih te lantir tur tihna a lo ni.Kan In chhunga a kan nundan ang chiah hi vanram lehkhabu chhinchhiahna a kan lan dan turt a nih hmel a.Vanrama mithianghlim ni tur chu leia a inah hian mithianghlim a ni hmasa tur a ni.Nute leh Pate hi an in chhungah Kristian diktakawmdana an awm chuan kohhranah leh khawtlangah pawh chhungkuaa an khawsak dan ang bawk khan mi tangkai tak an ni ang.Nu leh Pate u,in sakhuana chu in eizawnna ang leka ngai lovin tih tak takna nen nunpu rawh u. Sakhuana hi chhungkuaah a nihdan tur ang taka nun chhuahpui a nih hian thil ropui tak kan thawk chhuak tihna a ni.Sakhuana chuan nu leh pate chu Pathianin titura a tihte hlen chhuak turin a hruai ang a.Naupang pawh Pathian tihna leh zahna nena enkawl chhoh an ni ang.Sakhuana hian khawtlang nun hneh hle se kan tih chuan chhungkua a hneh hle hmasa tur a ni ngei ang.

KOHHRAN INKHAWM USHER TUR TE 1st - 15th Dec, 2012 1) Nl.Zodingpuii Sailo - Incharge 2) Tv. H.Lalruatfela -2nd incharge 3)Tv. Ricky Lalchhandama 4) Tv. H.Lalhruaitluanga 5)Tv.Malsawmdawngliana 6) Tv.P.C.Lalhriatpuia 7) Tv.Marcus Zosangliana 8) Nl.Zothansangi 9) Nl.Judith Lalawmpuii 10) Nl.Rebek Lalrinmawii 11)Nl.Mimi Saizikpuii 12) Nl.Gospel Engmawii KTP KULIKAWN BRANCH INKHAWM PROGRAMME :Tawngtai Leh Thusawi Inkhawm : Tv.C.Lalmalsawma, Br. Comt. Member : Nl.Lalzamliani, Matthaia Gr. : Tv.Rosangzuala & Tv.Malsawmtluanga, Marka Gr. Thusawitu : Pu.Lalmuanawma, Asst. Leader 10/12/2012 : KUM 2013 HRUAITU THLAN Chairman : Pastor Lalsangbera, Returning Officer Tantu : Nl.Vanlalruati, Br. Comt.Member T.Khawntute : Pu.Lalhmingliana & Pu.Lalhmachhuana Pachuau Hla hruaitu : Pu Lalmuanawma (Inthlanpuitu) Inthlanpuitute: 1) Nl.Lalsangliani. 2) Nl.Vanlalruati 3) Pu.Lalmuanawma 4) Pu.Lalhmachhuana Pachuau Hemi zan hian Branch Secretary Report leh group hrang hrang secretary report ngaihthlak a ni ang. .......................................THUVAWN......................................... Mi mawlte hnungtawlhna chuan anmahni a that ang a, Mi te hlawhtlinain anmahni a tiboral ang. Ka thu pawm apiangte erawh chu him takin an awm ang a, Thil tha lo hlau lovin an awm hle hle ang. Thufingte 1:32-33 3/12/2012 Chairman Tantu T.Khawntute

( Sermon chhunzawmna) takna i duh thin a, tih kan hmu bawk a, Pathianin hian keimahniah hian kan pawnlam landan hi a thlir lova, kan chhungril nun leh thinlung lam a en zawk thin a ni. Thinlung hlan si lova sakhawmi nihna ringawt te, thawhlawm tam tak tak thawh ringawt hi a lawm zawng a ni lo. Kan thilpek leh sum leh pai te hi a mamawh ber a ni lo, a aia pawimawh zawk kan thinlung hi min neih hmasak a keimahniah lo luh a duh zawk a ni. Lal Isuan khawvela rawng a bawl lai khan Lehkhaziaktute leh Pharisai te kha na takin a hau phiar phiar mai a ni, khang hun lai khan Lehkhaziaktute leh Pharisaite kha Mosia dan zawm kawngah chuan an khermei em em a, sakhawmi nihna leh thilpek lamah te chuan an ti tha khawp mai. Pudina leh Pardi te ang thil te tham te te a kan ngaih thlengin sawma pakhat an pe a. Pawnlam landanah chuan sakhaw mi tak angin an lang a, mahse Lal Isua chuan an vervek zia kha chiang takin a hmu a, an chhungril nun leh an rilru chu duhamna leh hlep rukna te itsikna te a khat an nih zia kha a hmu chiang em em a ni. No leh thleng pawnlam silfai a, a chhung lam bawlhhlawh si, thlan pal hnawih var ang ten a tehkhin a nih kha, pawnlam lang thei leh mihring mithmuhah chuan tha fel tak an ni, mahse an chhungril hmuchiang em em tu Lal Isua chu an lakah a lungawi hauh lova, chuvangin an chung a pik tur zia uar takin a sawi anih kha. Kan in bih chian a ngai khawp mai, kan thinlung hi engin nge luahkhat le? Activities hrang hrangah te tha taka ti a kan chanvo leh tih tura min ruat te tha taka kan tih reng lai hian kan thinlung chhungrilah hian Lal Isua hian hmun a chang tak tak ang em le? Hei kan hma lawkah kan dama Pathianin rem a tih chuan Krismas kan hmang dawn a, kan thinlungah hian Lal Isua hian lo pian a duh a, min dil mek a ni. Atan hmun kan kian phal dawn em le? Thinlung a lama hlan si lova Lalpa rawng hi kan bawl a nih vaih chuan a va pawi dawn em, kan inchhir ngawt ang le. Awle keini pawh kan nun hi in en let theuh ila, kan nihna te kan dinhmun te, kan pawnlam landan piahlamah kan chhungril nunah hian Lal Isua hian lalna a chang em le? Josefan thlenna a dil ang khan Lal Isua chuan kan thinlungah kawngkhar a kik a, thlen min dil mek a ni, thlen mai pawh nilovin chen reng a duh a ni, chutiang tur chuan kan phal em le? Khualbuk vengtu sum duhamna avanga Lal Isuan thlenna tur hmun a changlo ang khan kan thinlung pawh hian Lal Isua aiin mikhual dang changkan duhna te, sum leh pai te, zirna leh thiamna sang te leh he damchhung khawsak lungkhamna zawng zawng te hian kan thinlung pindan zawng zawng hi a lo luahkhatin kan lo mikhual tir ang tih a va hlauhawm em, sihal ten kua an nei, a chungleng savate pawhin bu an nei, mihring fapa erawh chuan a lu nghahna a neilo ti a Lal Isuan a sawi kha a ti diktu nilovin I tan hmun ka thinlungah a awm tiin kan chhang dawn lawm ni? Kan hma lawka Krismas kan hman turah pawh hian kan thinlungah Isua hi a piang tak tak sela kan Krismas hman te hi a va hlawhtling dawn em! Isu vawiinah hian kan thinlung bawnginah, lo piang thar leh la nang kan chatuan lal turin kan tih theuh theihnan kan thusawite Lalpan mal sawm rawh se. PATHIAN NI CHHUN TAWNGTAI INKHAWM 2.12.2012 : 11:30 a.m Hruaitu : Tv Robert Vanlalruata,Asst.Secy.Marka Gr Tantu : Tv Lalrinsanga(Rsa) Johana Gr. Hla Hruaitu : Tv.Tlauliana 11.11.2012: 11:30 a.m Hruaitu : Pu.Lalhmachhuana Pachuau,Br,C/M Tantu : Tv Zothankima, Matthaia Gr. Hla Hruaitu : Pu Elijah Lalrinawma

KTP INKHAWMA CHANVO HRANG HRANG CHANG TUR TE 1st - 31st Dec, 2012 HLA HRUAITU TURTE : 1) Pu.R.Lalmuansanga 2) Tv.Vanromawia LIGHT & SOUND DUTY TURTE: 1) Tv.Lalmuankima 2) Tv.Robert Laldingliana

-3Vol. XXV, No.23. BI - MONTHLY BULLETIN OF KTP KULIKAWN BRANCH 1 - 15 Dec, 2012
st th

KULIKAWN KOHHRAN INKHAWM PROGRAMME 1st- 15th Dec, 2012 Chairman: Upa Dr.Rothangliana NILAI ZAN : 5.12.2012 Kristian chhungkua leh Politics-I -Politics a in hnamhnawih. Tantu : Tv Robert Laldingliana - V Thupui Hawngtu : Pi Chalthiangi 12.12.2012 : Sacrament Zirlai Dan chhunga lawm luh Inkhawm/Lalpa Zanriah SacramentBuatsaihtu : Pastor Lalsangbera INRINNI ZAN 01.12.2012 : Tawngtai leh Rilru sawi Tantu : Pu Laltlanzauva -VII 8.12.2012 : Tawngtai leh Thusawi Tantu : Pi Lianzuali - VI Thusawitu : Pu R.Lalchhuanawma 15.12.2012 Tawngtai leh Rilru Sawi Tantu :Pi Vanlalsawmi -V PATHIANNI 2.12.2012 : Sunday School Tantu : Pi Lalrozami -IV Zirlai 44-na : Levia chite chenna tur leh inhumhimna khua (Bible Sunday) Chawhnu : Bible Sunday;Pathian thu chu a nung - Heb.4:12 Tantu : Pu Vanlalnghaka -VII Thusawitu : Pu H.Biakkunga Zan Inkhawm : Thusawi Inkhawm Thusawitu : Rev.Dr.Chawnghmingliana PATHIANNI 9.12.2012 : Sunday School Tantu : Pi Lalrimawii - VIII Zirlai 45-na : Tualthah avanga hremna dan Chawhnu : Thusawi Inkhawm Thusawitu : Pu P.Lalupa Zan Inkhawm : Thusawi Inkhawm Thusawitu : Pastor Lalduhsaka
KULIKAWN KOHHRAN INKHAWMA CHANVO HRANG HRANG CHANG TUR TE 1st - 15th Dec , 2012 KOHHRAN INKHAWM HLA HRUAITU TURTE

KULIKAWN VENGTHLANG BRANCH CHURCH INKHAWM PROGRAMME 1st - 31ST Dec, 2012 Chairman: T/Upa P.Kaphlira NILAI ZAN : 5.12.2012 Kristian chhungkua leh Politics-I -Politics a in hnamhnawih. Tantu : Nl.Cindy Lalhunthari - II Thupui Hawngtu : Pu Chawngthanzuala

12.12.2012

: Kristian chhungkua leh Politics-II A Chhe lai siam thatu Tantu : Nl.Vanlalduhsaki -III Thupui Hawngtu : Pu Kapzawna INRINNI ZAN 01.12.2012 : Tawngtai leh Thusawi Tantu : Tv.Lalremsanga -III Thusawitu : Pu Lalhmingmawia 8.12.2012 : Tawngtai leh Rilru Sawi Tantu : Tv.Lalmuankima - III 15.12.2012 Sacrament Zirlai Dan chhunga lawm luh Inkhawm/Lalpa Zanriah SacramentBuatsaihtu : Pastor Lalsangbera PATHIANNI 2.12.2012 : Sunday School Tantu : Pi Lalhmangaiha -II Zirlai 44-na : Levia chite chenna tur leh inhumhimna khua Chawhnu : Bible Sunday;Pathian thu chu a nung - Heb.4:12 Tantu : Pi Hmangaihzuali -II Thusawitu : Tv.Lalrimawia Zan Inkhawm : Thusawi Inkhawm Thusawitu : Tv.H.Lalhmingliana PATHIANNI 9.12.2012 : Sunday School Tantu : Pu.Lalhmingliana Pachau - II Zirlai 45-na : Tualthah avanga hremna dan Chawhnu : Thusawi Inkhawm Tantu : Pi C.Lalhmangaihi -II Thusawitu : Pastor G.S.Ropianga Zan Inkhawm : Thusawi Inkhawm Thusawitu : Pastor Rory Lalrinsanga KTP:KULIKAWN VENGTHLANG BRANCH INKHAWM PROGRAMME 3/12/2012 : Tawngtai leh Thusawi Inkhawm Chairman : Nl.Ramengmawii,Br,Commt Member Tantu : Nl.Lalchhandami,Abrh Gr T.khawntute : 1. Tv.Lalruatpuia 2. Tv.Lalhmangaiha Hnamte Ab, Gr Thusawitu : Tv.Lalrimawia,Branch Secretary 10/12/2012 : Thusawi Inkhawm Chairman : Pu Lalhmingmawia,Br Commt Member Tantu : Pu Lalchhanchhuaha,Mosia Group T.Khawntute: Nl.J.Lalhunruati & Nl.Vanlalduhsaki,Ab,Gr Thusawitu : Tv.H.lalhmingliana, Branch Leader PATHIAN NI CHHUN TAWNGTAI INKHAWM 2.12.2012 :11:30 a.m Hruaitu : Tv Lalzamlova,Asst.Secy,Abr Gr Tantu : Nl.Lalliankimi,Johana Gr. Hla Hruaitu : Tv.Lalrimawia 9.12.2012 : 11:30 a.m A Hmun : Biak In Hruaitu : Pu Lalthangkima,Branch,Asst.Leader Tantu : Tv.Zohmangaiha,Abrahama Gr. KULIKAWN VENGTHLANG KOHHRAN INKHAWM USHER TUR TE 1st - 15th Dec, 2012 Pu.Lalhmingmawia - in charge Nl.Zothansangi - 2nd i/c 1.Tv.Lalrinfela Hnamte 2.Tv.Lalengmawia 3.Tv.Zohmangaiha 4.Nl.Lalramtiami 5.Nl.R.lalhriatchhungi 6.Nl.Lalrinmawii 7.Nl Vanlalduhsaki 8.Nl.Lalchhandami

1. Pu H.Biakkunga 2. Pu K.Lalbiakenga 3. Tv. Vanromawia 4. Nl.Margaret Lalthanpuii 1. Tv. Zothansanga

- Khuang - Khuang - Piano - Hla hriltu

LIGHT&SOUND DUTY TURTE

2. Pu. Lalthianghlima

BIAK IN A PANGPAR KHAWI TURTE

2.12.12 : Bial VII - na 1) Nl. Laldinpuii Hrahsel d/o Upa H.Lalhlira 2) Pi Lalrimawii w/o Pu H.Lalngilneiha 9.12.12 : Bial I- na 1) Pi R.Lalnunhlimi w/o Pu Pu M.Laldingliana(L) 2) Nl.Mary Lalremsangi D/o Pu Jesse D.H.Thanga
KULIKAWN KOHHRAN HMEICHHE INKHAWM PROGRAMME

Hla hruaitu : 1. Pi Nuthangi - Ruthi Group 2. Pi Romawii - Thilpek lakhawmtute: 1. Pi LalpawllianiHani Gr. 2. Pi Lalsailovi - do 4.12.2012 : Tawngtai leh Hlazir Inkhawm Chairman : Pi Hrangzabiaki Tantu : Pi Zochhigpuii - Sari Group ( Chawnghei Tawngtai Hruaitu : Pi Remmawii) 11.12.2012: Chairman Tantu Thu zir Zirtirtu Thu Zir Inkhawm : Pi Varneihthangi : Pi B.Lalzari - Ruthi Group : Naupang kaihhruaina (ztu :Pi V.Vanlalruati) : Pi Lalthanpuii

Mi fin g chuan ropuin a an rochun g an g a, Mi te kaisan n a erawh chu mualphon a a n i an g.

-4Vol. XXV, No.23. BI - MONTHLY BULLETIN OF KTP KULIKAWN BRANCH 1 - 15 Dec, 2012
st th

RAMTHAR ZIN REPORT

A hun : Ni 15 - 19 November,2012 A hmun : S.Chhimluang, Kolasib Distrtict Campers : 50 Leader : Upa Dr.Rothangliana Speaker : Upa Denghmingthanga Manager/secy : Pu H.Biakkunga Member kal dangte : 40. Ramthar committee hmalakna in ni 15-19 November,2012 chhung in camping hlawhtling taka neih a ni a.S.Chhimluang khua hi In 100 vel an awm a, Bru(tuikuk) hlang an ni.Kohhran member 230 vel an ni a.Upa 2 leh T/Upa 4 an nei mek.Kum 1978 ah synod in school mizo medium din in Nursery - class IV thleng a awm a, tunah hian zirlai naupang 106 an awm mek.Thawktu missionary 8 an awm mek bawk. Camping ah hian mi 50 lutin, Pathian hnenah an vai in an inhlan thei vek a ni. Naupang pual in Lang Camp ni 2 chhung neih a ni bawk a. Naupang 84 vel an kal thin a an hlim hle,naupang pual camp-ah hian speaker Pi F.Thuamliani a ni a, he camping ah hian ramhuai hnena inthawi avanga kohhran atanga hming thaichhiat mi engnge maw zat an lo lut leh a ni. Campers te hian an thian/chhungte camp a lut ve lo te an vei hle a, camp tawp zan atang hian follow-up programme te hmang zuiin home crusade te neiin nasa takin hma an la zui a ni. Ni 28.11.2012 ah kohhran atanga hming thai chhiat te kohhrana lakluhna hun hlimawm tak neih a ni a, Kohhran ho ten ruai nen hlim takin hun an hmang a ni. S.Chhimluang kal nan hian Bus 1, motor te 7 leh Bike 2 hman a ni. Bus leh Pick up truck pakhat hire a ni a, a dang zawng hi chu kan kohhrana mi tlawmngai ten an motor an rawn thawh a ni a, an chungah kan lawm hle a ni. Electric current a la luh loh avangin generator 2 Pu Varneihchhunga ta leh Saltang Chhuahtu team ta ken a ni bawk,hawh man awm lovin min hman tir a an chungah lawmthu kan sawi bawk a ni. Kohhran mipuite thilpek leh tawngtaina avanga he camping hi hlawhtling thei a ni a. Pathian leh Kohhran mipui te hnenah lawmthu kan sawi a, kan tawngtaipui zel an mamawh tak zet zet a ni.
Pu.H.Biakkunga

...THANGTHARTE HNENA THUCHAH... d Credit Card lakah inthiar fihlim ula,nangmahnin inkhawlin tipung rawh u. d Mihring hi pawisa siam a ni lo va, pawisa hi mihring siam a ni zawk a ni. d A (Simple) tlawm thei ang berin nung rawh u. d Mite sawi leh tih danin ti ve mai suh u,ngaithla ula, tha in tih zawng chauh ti rawh u. d Thawmhnaw man to leh changkang (Branded) a nih avangin inbel ngawt suh u, hak nuam in tih leh inhmeh zawng inbel zawk rawh u. d Tul lovah pawisa khawhral mai mai lovin a mamawhtute mamawh phuhruk nan hmang zawk rawh u. d I nun hi nangma nun a ni a, i nunah mi dang roreltir suh. Warren Buffet. ...DIK LOHNA HMU THEI RIAU...

Kristian nia inchhal zingah thil dik lohna hmu thei riau
za tam i tawng ngei ang;mahse,an sawiselna thute hian tu thlarau riangvai mah Krista hnenah a hruai thleng lo vang.Ka sermon pakhat mah hi han belh chian tak taka fuh lo deuh lai awm hauh lova sawi ka la nei lo. Isua Krista hian keimah aia tha zawk fe a aiawhtu tur a nei ngei a ni tih ka hria. Mahse, he khawvelah hian thil tha famkim leh sawisel bo a awm hauh lo tih hre tur khawp chuan ka dam rei ve tawk tawh a ni. Thuhriltu tha famkim leh duhthusama tha inkhawm i beiseia i nghah dawn chuan, kum sangbi thar lo thlen thleng i nghak ang tih ka hlau a ni. Kan mamawh chu Krista thleng phaka thlir hi a ni a, thil dik tawk lohna hmuh theih riau mai hi i bansan ang u. D.L.Moody.
...BILLY GRAHAM-A KAMCHHUAK THENKHAT TE...

Kan

ni te hi chhiar a ni.Kan damchhunga kan tih tur pawimawh tak pakhat chu kan tawpna ni tur atana in buatsaih a ni. Kan hnutchhiah tur thil hlu chu bungraw thilte mai ni lovin, kan nun dan quality hi a ni. Eng ang in buatsaihna nge tunah hian kan kalpui ang le? Awmze nei lova khawvela kan khawhral tam ber chu hnuh kir leh koh let leh theih loh hun hlu tak Pathianin ni tina min pek kan khawhral hi a ni.

......Thawnthu tawi pahnih ......

em em a. A pianthar hnu kar khat vel a liam tihah chuan, a zu in pui pakhat nen hian an in hmu hlauh mai a. a thianpa chuan, Bill, i nuna thil thleng te ka lo hria a, a tak a ni chiah em? i thutluknaah i chiang a maw? a ti a. Bill-a chuan, E! Thianpa a dik asin, ka piangthar tawh a ni! tiin a lo chhang a. Bible-a thu inziak zawng zawng te kha i awih vek a maw? Aw, awih tehreng e. Isuan tui uain-a a chantir chungchang thu meuh pawh kha maw? mak ti takin a zawt zel a. Bill-a chuan, Aw, Isua chuan tui chauh lo pawh, ka ina zu awm zawng zawng te kha chaw leh silh leh fen ah a chantir asin. En teh! kan chhungkua min chhandam a nih hi, tluchhe mek kha min kaitho leh a, boralna khur ata kha min khaichhuak a ni. Kei zu ngawl vei meuh pawh ka nun a thlak danglam theih chuan, engkim a tithei tih hi ka ring tlat asin! tiin a lawmzia a hrilh ta a.

Miin pawisa thilah ngil taka a rilru a thunun theih chuan, Mihringin

Zu ngawl vei pakhat Bill-a chu a piangthar a, a hlim

nun kawng dang zawng zawng deuhthawah ngil takin a inthunun theih phah ang. thlarau lam thil mamawh lian tak pahnih a nei, pakhat chu ngaihdam nan a ni a, pakhat dang leh chu that nan a ni. Bible phek tawp ber thlengin ka chhiar a, a vaiin kim takin a lo la thleng vek ang.
...INTANPUI TAWN...

Mi

Tlang lawn thin pakhat, mahni thu duh deuh mai hi a awm a. Ni khat chu tlang sang taka a lawn laiin khua in a thim hnan a, engmah a hmu thei ta lo va. A tlang lawn mek chu vur tla chuan a ti nal hle nghe nghe a. Tlang chhip a thleng tep tawh tih ah chuan, a vawnchhan chu a pial a, a tla ta a. A tlak pah chuan a hrui pai ah chuan engtin emaw a in uai tang thei hlauh a. Chutia mangang taka a awm lai chuan, thawklehkhatah a awmna chu a rawn eng phut a, Pathian aw a hre ta a. A hrui vawn lai chu thlah turin a ti a. Mahse chu pa chuan a hrui vawn lai chu a chelh nghet sauh a, Pathian chuan, A nih leh le! I duhthlanna a ni e tiin a kalsan ta a. A tukah chuan chulai hmunah chuan miten, lei atanga feet 2 leka kangah tlanglawn, hruihruala lo in vuan tang chu thiin an chhar a.

hlawhtling reng rengin mahni ngawtin an din chhuahna tur an hai kaw ngai lo; khawilaiah emaw, engtin emaw tak tu emaw a lo tel ve ziah a, chu mi chuan hna pawimawh tak a thawk ziah a ni. Kan nun hi midangte nen a inkherh pawlh tlat a, tu amah hi a mala ding thei kan awm lo. A hring a hrana kan hriat phei chu midangte hnen atanga kan chhar chhuah vek a ni thin. Kan thiltih zawng zawng deuh thaw hi tu in emaw a lo tih tawh atanga chhunzawm vek kan ni a. Mi chi hrang hrangin tangkaina mual kan nei theuh a ni. Alf Lohnes
Editor Jt.Editor Cir. Manager Members Editorial Board : V.Vankhama : Grace Lallawmzuali : Zodingpuii Sailo : Brenda Lalrindiki (Matthaia Gr.) Lalhruaitluanga (Marka Gr.) Lalthanmawia Kawlni (Luka Gr.) Marina Lalsangpuii( Johana Gr.) Lalnghakmawia (KLK Vengthlang Br.) : [email protected] : KTP:KULIKAWN BRANCH

email Facebook