Qatar

Bandira han Catar

An Catar o kundi man Qatar (Inarabo: قطر‎) nga an opisyal nga pagtawag Estado han Qatar (Inarabo: دولة قطر‎ Dawlat Qatar) usa nga estado soberano nga namumutang ha Katundan Asya, nasakop ha gutiay nga Peninsula han Qatar ha norte-sinirangan nga dapit han baybayon han Peninsula Arabyano. Diri gud ini sayod lun kikilalahon ini nga monarkiya konstitusyunal o absoluta. An nag-uusahan nga katubtuban ha tuna ginsasaroan ha kaluyo han sapit nga Konseho han Kooperasyon ha Gulfo nga monarkiya Saudi Arabia ha salatan, ngan an nabibilin hinin nga teritoryo in ginpapalibutan han Gulfo han Persia. Usa nga estrecho han Gulfo han Persia nagbubulag han Qatar tikang han haraniayay nga purô-nga-nasod han Bahrain.

Mga pagbahin-bahin ha pagdumara

Ugsa han 2004, ginbahin-bahin an Qatar ngadto hin napulo nga mga munisipyo (Inarabo: baladiyah), nga panalagsaon ginhuhubad nga mga gobernorato o lalawigan:

1. Doha
2. Al Ghuwariyah
3. Al Jumaliyah
4. Al Khawr
5. Al Wakrah
6. Ar Rayyan
7. Jariyan al Batnah
8. Ash Shamal
9. Umm Salal
10. Mesaieed

Tikang han 2004, ginbahin-bahin an Qatar ngadto hin pito nga mga munisipyo. Usa nga bag-o nga munisipyo, an Al Daayen, ginhimo ha ilarom han Resolusyon Ihap. 13, nga nahimo tikang hin mga bahin han Umm Salal ngan Al Khawr; ha sugad liwat nga panahon, gin-usá an Al Ghuwariyah han Al Khawr; gin-usá an Al Jumaliyah han Ar Rayyan; ngan an Jarayan al Batnah gintunga ngan ginbahin ngadto han Ar Rayyan ngan han Al Wakrah.