Côde sourdant di «El Bourdon (gazete)»

'''El Bourdon''', c' est ene [[gazete e walon|gazete e walon]] ki parexhe tos les moes dispoy setimbe [[1949]].

[[Imådje:bourdon01.jpg|thumb|Tot prumî limero do Bourdon]]
[[Imådje:bourdon01_atacaedje.jpg|thumb|Atacaedje do prumî Bourdon]]

C' est purade des [[scrijhaedje]]s di [[belès letes]].

Les [[Eplaidreyes do Bourdon]] editnut des lives sicrîts pa les cis ki metnut leus bokets dins ç' gazete la.

== Lomaedje== 

Si no provént do spot del grosse [[clotche]] do [[cloke-poite]] di [[Tchålerwè (veye)|Tchålerwè]]. On dessén di ç' befrwè la avou l' cloke padvant a dmoré dessiné so tote el prumire rîlêye del gazete. 

== Istwere== 
El Bourdon fourit metou en alaedje pa [[Félicien Barry]], ecoraedjî pa [[Henri Van Cutsem]], po-z eplaidî des tecses di belès letes e walon di scrijheus d' Tchålerwè et co d' ôte pårt, et eto dner des noveles (e francès) des boutaedjes pol walon dins l' [[Hinnot]], dins l' [[Roman Payis]], et co pus lon.

Cwand i parexhe, on dit k' i [[:Wikt:zûner|zûne]] (come li Moxhon d' Ônea et li Viye Sprewe xhuflèt). I vude tos les moes. 

E [[2004]], i s' a etroclé avou [[El Moxhon d' Ônea|l' Moxhon d' Ônea]], mins tot wårdant tchaeke si tite.

E 2007, il a fwait parey avou l' gazete e [[picård]] "No boutique".

== Lingaedjes ==
'''Èl bourdon''' est sicrite e troes lingaedjes : e [[Walon (lingaedje)|walon]], e [[Picård (lingaedje)|picård]] ey e [[Francès (lingaedje)|francès.]]<ref name=":0">Fauconnier, J.-L. ''et al.'' (2021, moes di djun). ''El bourdon'', l° 757.</ref> Tot rwaitant les prumîs lingaedjes, les oteurs scrijhnut avou l' ortografeye k' est l' pus djondant d' wice k' is vicnut. Adon, pol [[Walon (lingaedje)|walon]], les scrijheus uznut voltî li sistinme Feller. Pol [[Picård (lingaedje)|picård]], c' est puvite do Feller-Carton.

== Imprimeus do Bourdon ==
Aprume, c' est Félicien Barry ki l' a-st imprimé divins si imprimreye. C' est ene [[cogne A4]] avou do papî d' gazete. Tchaeke limero a ene coviete diferinne, mins todi so on cåde avou l' [[poite-cloke]] di Tchålerwè (et l' grosse cloke lomêye «El Bourdon») dissu, a hintche. Eyet l' [[malton]] ki s' enûle dins l' coine ådzeu, divant l' tite : «el bourdon», et l' sortite «''d'Châlèrwè èt co d'ayeûr''».

<gallery>
Imådje:Gianolla fautcheu.jpg
Imådje:Petrez Bourdon.jpg
Imådje:Bourdon padzo belfleur.jpg
</gallery>

Adonpwis, il a stî a stî imprimé pa l' Imprimreye Scaillet, di [[Montniye-Tiyoû]]. C' est l' coleccion avou ene coviete di cwårton et do papî d' [[silabusse]]. El dessén del coviete, c' est èn amineu ki tént l' mårtea et fé aler on [[drapea]], avou les cawoûtes des oujhenes padrî. L' [[årtike]] «el» eyet l' mot «bourdon» prindèt des [[grandès letes]] «El Bourdon»

Onk des prumîs limeros insi, c' est li 293, di fevrî 1977. Onk des dierins, li 371, do d' decimbe 1984. 

Il vudive adon a cwénze cints egzimplaires.

<gallery>
Imådje:Rivowe bourdon1.jpg
</gallery>

Li novele cogne, pus ptite (c' est d' l' [[cogne A5|A5]]) kimince dandjreus après. Li limero 452 date do moes d' djanvî 1993. Li tite ridvént e ptitès letes, avou èn accint so l' årtike: «èl bourdon».

<gallery>
Imådje:Rivowe bourdon2.jpg
Imådje:Bourdon djanvi2004.jpg
Imådje:Bourdon 01 2007.jpg
</gallery>

== Sacwants bouteus pol Bourdon ==
* [[Pierre Arcq]]
* [[Félicien Barry]]
* [[Jean-Luc Fauconnier]]
* [[Pierre Faulx]]
* [[Fédora]]
* [[Jean Hamblenne]]<ref name=":0" />
* [[Émile Lempereur]]
* [[Robert Mayence]]
* [[Michel Meurée]]<ref name=":0" />
* [[Henri Pétrez]]
* [[Danielle Trempont]]
* [[Dominique Vanderstoken]]

== {{HDs}} ==
* [http://revues.be/el-bourdon sol waibe "revues.be"]
* [http://www.reseau-mirabel.info/revue/3676 sol waibe "Mir@bel"]
* [https://alwaccharleroi.blogspot.com/2016/10/nos-zunadjes-el-bourdon.html Co on ptit boket so les tcherbonaedjes]
* Egzimpes di vîs limeros
{| class="wikitable"
|-
! limero !! Anêye!! moes !! Scanaedje do limero
|-
| '''1''' || 1949 || setimbe || [https://lucyin.walon.org/guerni/gw/Bourdon/001_9-49.pdf limero 1]
|-
| '''2''' || 1949 || octôbe || [https://lucyin.walon.org/guerni/gw/Bourdon/002_10-49.pdf limero 2]
|-
| '''3''' || 1949 || nôvimbe || [https://lucyin.walon.org/guerni/gw/Bourdon/003_11-49.pdf limero 3]
|-
| '''4''' || 1949 || decimbe || [https://lucyin.walon.org/guerni/gw/Bourdon/004_12-49.pdf limero 4]
|-
| '''13''' || 1950 || setimbe || [https://lucyin.walon.org/guerni/gw/Bourdon/013_9-50.pdf limero 13]
|-
| '''14''' || 1950 || octôbe || [https://lucyin.walon.org/guerni/gw/Bourdon/014_10-50.pdf limero 14]
|-
| '''15''' || 1950 || nôvimbe || [https://lucyin.walon.org/guerni/gw/Bourdon/015_11-50.pdf limero 15]
|-
| '''17''' || 1951 || djanvî || [https://lucyin.walon.org/guerni/gw/Bourdon/017_1-51.pdf limero 17]
|-
| '''18''' || 1951 || fevrî || [https://lucyin.walon.org/guerni/gw/Bourdon/018_2-51.pdf limero 18]
|-
| '''212''' || 1968 || djanvî &<BR>fevrî || [https://lucyin.walon.org/guerni/gw/Bourdon/212_1&2-68.pdf limero 212]
|-
| '''216''' || 1968 || djun || [https://lucyin.walon.org/guerni/gw/Bourdon/216_6-68.pdf limero 216]
|}

== Sourdant ==

[[Categoreye:Gazetes e walon|Bourdon]]
[[Categoreye:Tchålerwè|Bourdon]]