Guitar Pro
| File:Guitar Pro.png | |
| Version stàbiłe | iOS: 1.10.3 (26 de otobre del 2022) Android: 1.7.4 (11 de apriłe del 2023) macOS, Microsoft Windows: 8 (2022) 
|
|---|---|
| Licensa | Propietario/Shareware |
| Tipo | programma notazionale (it)  |
| Disponìbiłe in | itałian
|
| Caratarìsteghe tècneghe | |
| Sistema operativo | Windows, Mac OS X |
| Scrivesto in | C++ |
| Forma file de scritura | Guitar Pro file format family (en) , Guitar Pro 4 tablature (en) , Guitar Pro 5 tablature (en) , Guitar Pro 6 tablature (en) , Guitar Pro 3 tablature (en) , Guitar Pro 1 tablature (en) , Guitar Pro 6 tablature (compressed) (en) e Guitar Pro 6 tablature (non compressed) (en)
|
| Biblioteca d'interfasa gràfega | Qt |
|
| |
Guitar Pro ła ze na aplegasion informadega par ła conpozision muzegałe e l'editing de partidure, in partegołar modo par ghitara o altri strumenti a corde. Ła parmete ła modìfega de na partidura mediante un'intaoładura, opur mediante ła notasion muzegałe stàndar so pentagrama; in azonta ła ofre ła posibiłità de sonar łe partidure scriveste e ła dà racuante opsion che łe pol èsar ùtiłe a'l studio. Ła pol èsar doparada anca cofà sequencer MIDI.
Storia
[canbia | canbia el còdaxe]Ghe ze stàe tre varsion inportanti de'l software: 3, 4 e 5. A ze stà rendeste disponìbiłi serte varsion menore co bug rizolvesti e picołe caraterìsteghe zontàe, inte’l intarvało tra łe tre varsion prensipałe. Guitar Pro el ze stà inisialmente programà cofà editor de intaoładure, ma daspuò el se ga evołùo in un potente strumento de scritura muzegałe multi-strumento. Fin a ła varsion 4 el software el zera solche disponìbiłe par Microsoft Windows. Ła varsion 5, publegada inte’l novenbre 2005, ła ze stà projetà par èsar multi-piataforma. Drìoman (łujo 2006) A ze stà publegà Guitar Pro 5 anca par macOS. El 5 avrìl 2010 ze venjesta fora ła varsion 6, da ła veste gràfega redesenjada par intièro e serte caratarìsteghe in pì, oltra a'l mejoramento de'l RSE (Realistic Sound Engine), che'l ze za prezente inte ła presedente varsion, drìoman infìn A ze stà zontà el suporto a Linux.
Guitar Pro 6
[canbia | canbia el còdaxe]Sta varsion ła prezenta i mejoramenti drìoman:
- Na nova intarfasa gràfega, pì gradevołe e intuitiva
- Na modałità a tuto schermo
- Posibiłità de utiłizar fin a cuatro voze distinte in una ùgnoła trasa
- Vizuałizasion in verticałe e orizontałe
- Se pol regołar ła łonghésa de ła batùa strasinando co’l sorze (mouse)
- El novo RSE2 (Realistic Sound Engine)
- Posibiłità de sernìr l’anplifegador, de regołar i efeti, ła distorsion, ...
Guitar Pro 7
[canbia | canbia el còdaxe]Inte’l 2017 Arobas Music el ga rełasà l'ùltema varsion de'l software, Guitar Pro 7.
Detaji
[canbia | canbia el còdaxe]El software el parmete de uzar racuanti strumenti che segue ła notasion muzegałe stàndar, ma anca soto forma de intaoładura. Inazonta, el consente de aver ła vizuałe detajada de i strumenti a corda (ghitara, baso ełetrico, banjo...) e łe tastiere co A se conpone ła canson e co ła se scolta. Inazonta, el parmete de inpostar anteprime in tenpo reałe par łe note sonàe a un tenpo spesifegà. El dà ła posibiłità de mudar determinài brani e el fornise el contròło dinàmego de'l vołume, de'l stiłe de espresion e de altri aspeti de onji pista. Da ła varsion 4 in avanti A ze includesta na tastiera che ła parmete ai pianisti de zontar ła só parte a na conpozision.
I output de Guitar Pro i sona par mezo de łibrarìe MIDI e/o, a partir da ła varsion 5, el "Realistic Sound Engine" (RSE) che'l dòpara i canpioni rezistrài in alta cuałità par un playback pì reałìstego. Uzando łe anteprime in tenpo reałe, i muzeghisti i pol sonar co ła canson seguindo l’intaoładura.
I file de conpozision de Guitar Pro i ze rejistrài inte’ i formadi GP5, GP4 e GP3 e inte ła varsion 6 in formado GPX, tałi file i ze disponìbiłi a gratis in vari siti, includendo canson de onji zènare; tutavia a càuza de ła viołasion de'l copyright ła Music Publisher's Association (MPA) ła ga serà i suditi siti.
Uzi
[canbia | canbia el còdaxe]Guitar Pro el ze un software consepìo par aidar i muzeghisti e i debutanti a conpóner, trascriver, publegar e studiar ła mùzega. Inazonta el aida ła conpartesipasion de łe conpozision infrà i grupi de parsone ed altri muzeghisti. Guitar pro 5 el ze infinaménte adatà par el studio e ła conpozision de mùzega clàsega. Fin a ła varsion 4 mìa gera posìbiłe dimèter łe intaoładure da'l schermo, procurando na picoła confuzion ai muzeghisti clàseghi par cui i senji stàndar de ła nodasion no i podeva èser trascrivesti in intaoładure. 'Sta łimitasion ła ze stà cavà a partir da ła varsion 5 e da tanti mejoramenti a cuałità stàndar de l'intaoładura e de ła nodasion introduzesta.
Alternadive open source
[canbia | canbia el còdaxe]Resentemente ze stà programàe de łe aplegasion open source capasi de inportar e reconoser łe estension uzàe da Guitar Pro.
- TuxGuitar: el funsiona so Windows, Linux, Mac OS X
- Kguitar: el funsiona so Linux
- Dguitar: el funsiona so onji piataforma (Java)