Gregoria de Jesus
Gregoria de Jesus | |
|---|---|
 | |
| Kapanganakan | 9 Mayo 1875 |
| Kamatayan | 15 Marso 1943 (edad 67) |
| Ibang pangalan | Aling Oriang, Lakambini |
| Trabaho | Maybahay, Katipunera |
| Kilala sa | Ina ng Katipunan |
| Asawa | Andres Bonifacio (1893 – 1897), Julio Nakpil (1898 – 1943) |
Si Gregoria de Jesus ay ipinanganak sa Kalookan noong ika-9 ng Mayo, taong 1875. Siya ay anak ng ulirang mag-asawang sina Nicolas de Jesus at Baltazara Alvarez. Siya ay kabiyak ng dibdib (asawa) ng supremo ng Katipunan na si Andres Bonifacio. Siya ay kilala sa bansag na "Ina ng Katipunan" , "Ina ng Himagsikan" at Lakambini ng Katipunan.[1]
Si Gregoria de Jesus na karaniwang tinatawag ng mga manghihimagsik na "Inang Oriang"[2] ay nagkaroon ng mahalagang tungkulin sa Katipunan. Siya ang taga-ingat ng mga mahahalagang kasulatan dito. Pinamahalaan ni Oriang ang pagpapakain at pagpapagamot sa mga kasapi ng Katipunan na minalas na masugatan. Nang minsang may nagtraydor sa Katipunan ay itinuro siya na siyang naghahawak ng mahahalagang kasulatan ng Katipunan, subalit ang mga ito ay madali niyang naitago sa malayong lugar.[2][3]
Nang madakip si Andres Bonifacio at ang kanyang kapatid na si Procopio, ay hindi na ito hiniwalayan ni Inang Oriang. Nang patayin sina Bonifacio ay hindi ito ipinaalam sa kanya. At nang malaman niya ito ay hinanap niya ang bangkay ng kanyang asawa ngunit ito'y hindi niya rin nakita. Napangasawa niya si Ginoong Julio Nakpil at sila ay nagkaroon ng limang na anak.[4] Nagkaroon siya ng isang anak kay Andres Bonifacio ngunit ito ay namatay nang sanggol pa lamang.
Si Gregoria de Jesus ay namatay noong Marso 15, 1943 sa Maynila sa gitna ng Ikalawang Digmaang Pandaigdig.
Mga sanggunian
[baguhin | baguhin ang wikitext]- ↑ "Mga Tala ng Aking Buhay". Inarkibo mula sa orihinal noong 2009-08-26. Nakuha noong 2009-01-07.
{{cite web}}: CS1 maint: date auto-translated (link) Jesús, Gregoria de (1932). Mga Tala ng Aking Buhay at Mga Ulat ng Katipunan. Limbagang Fajardo.{{cite book}}: CS1 maint: date auto-translated (link) - ↑ 2.0 2.1 "Excerpt". Inarkibo mula sa orihinal noong 2006-04-27. Nakuha noong 2008-07-29.
{{cite web}}: CS1 maint: date auto-translated (link) Santiago, Lilia Quindoza (1997). Tales of Courage & Compassion: Stories of Women in the Philippine Revolution. HASIK inc.{{cite book}}: CS1 maint: date auto-translated (link) - ↑ Jesus, Gregoria de. "Filipino Women". Solidarity Philippines Australia Network. Nakuha noong 2006-12-28.
{{cite web}}: CS1 maint: date auto-translated (link) - ↑ "The Katipunera (autobiography)". MSC. Nakuha noong 2006-12-28.
{{cite web}}: CS1 maint: date auto-translated (link)
