Firenze

Firenze (kwa Kiingereza Florence) ni mji katika Italia ya Kati na makao makuu ya mkoa wa Toscana. Kati ya mwaka 1865 hadi 1870 ilikuwa pia mji mkuu wa Ufalme wa Italia.

Firenze
Firenze Mahali pa Firenze katika Italia
Majiranukta: 43°47′00″N 11°15′00″E
Nchi	Italia
Mkoa	Toscana
Wilaya	Firenze
Idadi ya wakazi
- Wakazi kwa ujumla	360,000
Tovuti:  http://www.comune.fi.it/

Mji wa Firenze

Mji uko juu ya mto Arno. Idadi ya wakazi ni mnamo 360,000 na pamoja na rundiko la mji ni takriban 1,100,000.

Historia

Katika karne za kati Firenze ilikuwa kituo muhimu cha biashara, uchumi na utamaduni kwa Ulaya nzima. Kwa mfano, ni kati ya miji ambako uchumi wa benki ulijitokeza.

Firenze hutajwa mara nyingi kama chanzo cha kipindi cha "Renaissance" yaani kuzaliwa upya kwa ustaarabu wa kale wa Ulaya. Wakati ule ulitawaliwa na familia ya Medici. Mji umepambwa kwa majengo mazuri sana yaliyojaa picha za kupendeza. Wasanii wengi walio muhimu katika utamaduni wa Ulaya waliishi Firenze kama vile Donatello, Botticelli, Michelangelo na Leonardo da Vinci. Pia watu kama mwanafalsafa wa siasa Machiavelli, mpelelezi wa Amerika Amerigo Vespucci na mwanasayansi Galileo Galilei waliishi Firenze.

Sehemu ya mji imo katika orodha ya urithi wa dunia wa UNESCO.

Picha

• 
  Firenze inavyoonekana kutoka "campanile" (mnara wa kanisa kuu)
• 
  Kitovu cha mji wa kale
• 
  Ponte Vecchio (daraja la kale)

Viungo vya nje

• (Kiitalia) Tovuti rasmi Archived 5 Januari 2008 at the Wayback Machine.

Makala hii kuhusu maeneo ya Italia bado ni mbegu. Je unajua kitu kuhusu Firenze kama historia yake, biashara, taasisi zilizopo, watu au utamaduni? Labda unaona habari katika wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.