Humpy Bong

Li Humpy Bong sunnu stati nu gruppu folk rock ngrisi, furmatusi a Londra ntô 1970 da lu ex batterista di li Bee Gees Colin Petersen e da lu cantanti rock folk irlandesi Jonathan Kelly.

Furmazzioni du gruppu

Ntô 1969, mentri Jonathan Kelly stava sunannu 'n nu risturanti ri Londra, fu vistu da l'ex batterista ri Bee Gees Colin Petersen, ca rimasi impressiunatu da lu cantanti, tantu da addìvintari u so prudutturi discugraficu, dicennu ca: “capivu subbutu ca era nu talentu ca duvia essìri incuraggiatu e sviluppatu”. Kelly avia pubbricatu nu singulu ntô 1969 chiamatu “Denver”, e n'avutru singulu ntô 1970 chiamatu “Make A Stranger Your Friend”, na canzuni contru a guerra. L'orecchiabbilitati di la canzuni e lu talentu di Kelly foru arrìcanusciuti ra tanti artisti di lu spittaculu, tra cui Mick Taylor di The Rolling Stones, Klaus Voorman, Madeline Bell , Carl Wayne, Peter Sellers e Spike Milligan.

Nnà l'astati du 1970 Petersen e Kelly dicisiru ri furmaru nu gruppu nzemi, chiamannùlu “Humpy Bong”, na variazioni di dui paroli du nomu di na scola ca Petersen e i frati Gibb avianu frequentatu 'n Australia. Avennu bisognu ri cumpunenti pi lu gruppu, misiru nu annunciu pi truvari novi musicisti. Tim Staffell, pricirentimenti bassista e cantanti pi li Smile (Staffell fu sustituitu na li Smile cu so amicu Freddie Mercury), arrìspunnìu a l'annunciu e arrìnisciu ad avìri u postu ri cantanti, bassista e sunaturi ri armonica.

Spittaculi live

Prima di la fini du 1970 u gruppu si lassò sìenza aviri mai sunatu durantu cuncerti veri e propri. Staffell dissi: “Si arrìcordu beni, jiu accùssi, Colin Petersen sunò a batteria e u bassu nnò primu mumentu, ma era na merda, accussì usammu, credo, Rick Kemp di li Steeleye Span. Nu paru di voti Jonathan Kelly sunò a chitarra e scrissi quarchi canzuni. N' realtà nun ci fu mai nu gruppu stabbili, Humpy Bong nun fici mai nu unicu cuncertu, comunque, quinni credu ca nun eranu veramenti nu veru e propriu gruppu”. U gruppu, sippùru cu granni qualitati, si lassò dopu pochi misi.