چھاتی

چھاتی

میری کساٹ دد پلاندیاں ہویاں

چھاتی انساناں تے پرائیمیٹ دے پنڈے دے سامنے اتے والے انگاں نوں کیندے نیں۔ مادہ چ وڈے ہونے تے چھاتیاں وڈیان ہوکے دد پلان والے انگ بن جاندے نیں۔

مرداں تے سوانیاں وچ ایمبریو ٹشو توں چھاتی بندی اے پر جوانی وچ وڑدیاں سوانیاں وچ ایسٹروجن ہارمون باجوں چھاتی وڈی ہو جاندی اے تے مرداں وچ ٹیسٹوسٹیران ہارمون باجوں اے نکے رہ جاندے نیں۔

حمل دے ویلے چھاتی دے ٹشو وچ ہارمون دے اثر توں وادا ہوندا اے تے دد بنان لئی چھاتی وڈی ہو جاندی اے۔ ایناں ہارموناں وچ ایسٹروجن، پروجیسٹرون تے پرولیکٹن شامل نیں جو ماہواری ویلے چھاتی تے بچہ دانی وچ ٹشو وچ تبدیلی لیاندے نیں۔

ہر چھاتی وچ 15 توں 20 لوب ہوندے نیں۔ کھل دے تھلے ایڈیپوز ٹشو، اناں لوباں تے چڑھدے نیں جیدے باجوں چھاتی دی شکل تے سائز بندا اے۔ ہر لوب وچ کئی لوبیول ہوندے نیں۔ ہر لوبیول دے آخری نکڑ تے تھیلیاں ہوندیاں نیں جتھے ہارمون دے اثر توں دد بن کے وڑدا اے۔

ناں

چھاتی دا انگریزی شبد بریسٹ، پرانی انگریزی دے شبد بریوسٹ توں نکلیا اے جیدا مطلب اے پھلیا ہویا، سجیا ہویا۔

وکھالا

چھاتی دا وکھالہ

چھاتی اک غدود اے جیدا کم کاکیاں لئی دد بنانا تے اوہناں نوں پلانا اے۔ دد پلان لئی چھاتیاں دے وچکار اک انگ چوسنی ہوندا اے جیدا رنگ گلابی توں گوڑا بھورا ہو سکدا اے۔ چھاتیاں دی اکائیاں دا کم چکنائی آلا دد بنانا ہوندا اے۔ اے اکائیاں ساری چھاتی تے پھیلیاں ہوندیاں نیں۔ چوسنیاں دے آلے دوالی ہر 30 ملی میٹر دے فاصلے تے لیسیفیرس ٹشو ہوندا اے۔ چھاتی وچ کولیجن، الاسٹن، چٹی چربی تے کوپر لگامنٹ وی ہوندے نیں۔

چھاتیاں دوجی پسلی توں لے کے چھٹی پسلی تک ہوندیاں نیں۔ سامنے توں چھاتی کلیوکل ہڈی توں لے کے سٹرنم ہڈی تک ہوندی اے۔ چھاتیاں وکھے ٹشو دیاں بنیاں ہوندیاں نیں پر زیادہ ایڈیپوز ٹشو تے غدودی ٹش ہوندا اے جو دد بنان دے کم لئی ہوندے نیں۔

چھاتی اک کون شکل دا وکھالا اے جیدا پیندا سینے دی کند نال تے نکڑ چوسنیاں تے ہوندا اے۔ چھاتیاں دا وزن ہر سوانی وچ وکھرا ہوندا اے جو 500 توں 1000 گرام تک ہو سکدا اے۔ انج اک نکی چھاتی دا وزن 500 گرام تے اک وڈی چھاتی دا وزن 750 توں 1000 گرام تک ہو سکدا اے۔ ہر چھاتی وچ چربی تے کنیکٹو ٹشو دا تناسب وکھرا ہوندا اے۔ اک سوانی دے جیون وچ عمر، ماہواری، حمل، دد پلائی تے بڑھاپے باجوں چھاتیاں دا سائز، شکل تے وزن بدلدا اے۔

کم

چھاتیاں دا بنیادی کم دد بنان آلے غدود دے طور تے کم کرنا تے دد پلان دے ویلے کاکے نوں دد پلانا اے۔ چھاتی دی گول شکل دا اے فیدہ اے جے تاپ ضائع نئی ہوندا جو دد بنان لئی ضروری ہوندا اے۔

بارلے جوڑ

انسانی اَنگ

باہرلے انگ  : - سر · متھا · مُکھ · اکھ · نک · بُلھ · ٹھوڈی · کن · ہتھ · انگلاں · انگوٹھا · چیچی · نون٘ہہ · لت · بان٘ہہ · جباڑھا  · بال · پیر · گوڈا · گوڈے دی چپݨی · گٹا · چھاتی · کھل · موڈھا · دھوݨ · گھنڈی · سینا · پِنّی · ڈھڈ · دُھنّی · لَک · ڈھو · پسلی · پَٹ

اندرلے انگ  : - کلیجا · دل · نکی آندر · گردے · معدہ · پھپھڑے · آنڈاتھیلی · پینکریاز · دماغ · ہڈی · وڈی آندر · پِتّا · لہو

مونہہ دے اندرلے انگ  : - مون٘ہہ · جیبھ · دند · حݪق · حݪق دا کاں