بہرام گور

بہرام گور (420ء-4409 ایران دی ساسانی سلطنت دا حکمران سی ۔ اوہ یزدگرد I دا پتر سی ۔ اوہ بوت بہادر سی تے کہندے نیں کہ پیؤ دے مرن دے مگروں تناں بھائیاں چ تاج تے تخت لئی جھگڑا ہوئیا تے دربار دے امیراں نے ایہہ فصلہ کیتا کہ شاہی تاج دو بھکھے شیراں دے وچکار رکھ دتا جائے تے تناں شہزادےآں چوں جہڑا تاج چک لیائے اوہی بادشاہ بنے گا ۔ بہرام دے بھائیاں دی ہمت جواب دے گئی پر بہرام تاج چک لیائیا ۔ اس نے سفید ہن حملہ ازراں نوں شکست دتی تے آمو دریا (دریائے جیحوں) دے پار تک اینہاں دا پچھا کیتا ، ایتھے تک کہ اوہناں نے عہد کیتا کہ فیر اوہ ایران تے حملہ نئیں کرن گے ۔ کجھ مورخاں دے بقول اسنے ہندستان تے وی حملہ کیتا تے سندھ تے مکران نوں اپنی سلطنت چ شامل کیتا سی ۔ اسنوں شکار دا بوت شوق سی تے گور یعنی جنگلی کھوتے دا شکار اسنوں بوت پسند سی ، ایسے لئی اسنوں بہرام گور آکھئیا جاندا اے ۔ اک وار شکار کھیڈدے ہوئے ایہہ دلدل چ پھس گئیا تے مر گئیا ۔