Trentin-Sud Tiròl

Trentin-Sud Tiròl Pais Italia Lenghe italian, alman, ladin Provinse 2: Trent, Bolsan Capital Trent Popolassion  - total  - densità 1 074 524 ab. (Agost 2019) 78,98 ab./km² Surfassa  - total 13 605 km² Comun-e 282 Pressident Arno Kompatscher Ël Trentin-Sud Tiròl (Trentino-Alto Adige an italian, Trentino-Südtirol an alman, Trentin-Südtirol an ladin) a l'é na region autònoma dl'Italia. Sò cap-leu a l'é Trent. L'àutra sità a l'é Bolsan. A conta 1.074.524 abitant e a l'ha na surfassa ëd 13.605,5 km². Geografìa Ël Trentin-Sud Tiròl as treuva ant ël nòrd dla nassion e a confin-a con ël Véneto a sud e a est, con la Lombardìa a sud e a òvest. A nòrd a confin-a con l'Àustria e a òvest con la Svìssera. Ël 100% dla region a l'é fàit da brich. La Region Autònoma Ël Trentin-Sud Tiròl a l'é formà da doe provinse autònome: Trent e Bolsan. Ël Consèj Regional a l'é nen elegiù, ma a l'é formà da l'union dij Consèj dle doe Provinse Autònome e as radun-a metà dle vòlte a Trent e metà dle vòlte a Bolsan. Aministrassion Ël Pressident dla Region dal giugn 2016 a l'é Arno Kompatscher, ch'a l'é 'dcò President dla Provinsa ëd Bolsan. La pressidensa dla region a l'é n'ufissi pijà an alternansa dai doi pressident provinsaj. Popolassion e lenghe Ant la region a-i son tre grup étnich: alman (60%), italian (35%) e ladin (5%). La provinsa ëd Trent a l'é apopré dël tut italian-a, con minoranse ladine (Val di Fassa e Val di Fiemme) e vej-almane (mochen e cimbrian). La provinsa ëd Bolsan a l'é an magioransa (69,15%) alman-a; j'italian (26,47%) a son dzortut ant le sità (a son rivaje, an magioransa, dël perìod fassista). Ij ladin (4,37%) a son an Val Gardèna e an Val Badìa. Anliure esteriore Sit istitussional