Bruela di macaco
| Supkategoria di | viral infectious disease, Poxviridae infectious disease, zoonosis, disease  |
|---|---|
| Causa | Orthopoxvirus monkeypox |
| Health specialty | infectious diseases |
| Medical examination | physical examination, optical microscope, electron microscope, polymerase chain reaction |
| Drug or therapy used for treatment | metisazone, tecovirimat |
| Disease transmission process | airborne transmission, contact transmission, droplet infection, fomite transmission |
| ICD-9-CM | 059.01, 136.8 |
| ICPC 2 ID | A76 |
| NCI Thesaurus ID | C128421 |
Bruela di macaco of virùs di makaku (ingles: monkeypox of Mpox, hulandes: apenpokken) ta un malesa contagioso ocaciona pa e virus di bruela di macaco (MPV). E malesa ta wordo transmiti di animal pa hende y ta presenta mas tanto den e regionnan occidental y central di continente Afrika.
E sintomanan inicial ta keintura, dolor di cabes, dolor muscular, ganglionan linfatico hincha y cansancio.[1] Despues ta sigui un tipo di blar cu ta haya casca. E lapso di tempo entre e contagio y e sintomanan ta mas o menos 10 dia. Duracion di e sintomanan ta tipicamente dos pa cuater siman.[1]
Bruela di macaco a wordo identifica pa prome bes den macaconan di laboratorio na Copenhagen, Dinamarca.[2] Macaco sinembargo no ta e portador natural di e virus; esaki ta bestianan manera raton, rata y conenchi. Na 1970 a detecta e prome casonan di MPV den hende na Republica Democratico di Congo.
E brote di bruela di macaco na 2022 tabata e prome incidencia di un transmision grandi pafor di Africa. Esaki a cuminsa na Reino Uni na mei 2022 y despues mas caso a keda confirma na Europa, Norte America y Australia.[3] Na Aruba e malesa a haya clasificacion "Categoria A" bou di malesanan infeccioso, cu ta e mesun categoria cu COVID-19 y cu ta duna autoridadnan e poder pa impone medida (por ehempel quarantena obligatorio) pa proteha e poblacion.[4] Na 2024 Organisacion Mundial di Salud (WHO) a bati alarma pa di dos biaha, awor declarando un estado di emergencia internacional pa cu e plamamento di e malesa.[5]
Fuente, nota i/òf referensia
|