Wikipedia

Comite Olimpico Arubano

E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Comité Olímpico Arubano (abrevia COA) ta un organisacion deportivo di Aruba y miembro di Comite Olimpico Internacional (COI).

Comité Olímpico Arubano
Fecha di fundashon òf kreashon1985 Editá
DeporteOlympic sport Editá
PaisAruba Editá
Wèpsait ofisialhttp://www.olympicaruba.com/ Editá

Historia

editá

Dia 21 di augustus 1985 a funda Comité Olímpico Arubano pa fungi como Comite Olimpico Nacional (CON) despues cu Aruba adkeri su status como pais autonomo dentro di Reino Hulandes. Cu esaki Aruba ta bandona e Comité Olímpico di Antias Hulandes (NAOC). E fundadonan tabata 14 federacion di deporte Arubano: Amateur Baseball Bond Aruba, Arubaanse Atletiekbond, Arubaanse Voetbalbond, Aruba Amateur Weightlifting Association, Aruba Basketballbond, Aruba Boxing Association, Aruba Lawn Tennis Bond, Aruba Judo Association, Aruba Schietbond, Aruba Softballbond, Aruba Table Tennis Association, Aruba Volleyball Association, Badmintonbond Aruba y Korfbalbond Aruba.[1]

Desde 1986 COA tin reconocimento oficial di Comite Olimpico Internacional y ta forma como tal parti di e movemento olimpico. Mescos pa cada CON su mision ta pa desaroya y proteha e "Movemento Olimpico" den su pais y pa haci esaki conforme e Carta Olimpico. Segun stipulacion di e Carta Olimpico COA ta autorisa pa manda atletanan Weganan Olimpico. E prome biaha cu e atletanan a representa pais Aruba na e weganan olimpico tabata na e Weganan Olimpico di Seoul (Sur Korea) na 1988.

COA a cuminsa opera na 1994 for di un espacio den stadion Guillermo Prospero Trinidad na Oranjestad. Na 2019 e ta muda su sede pa Vondellaan 27, cual a wordo inaugura dia 11 di mart 2023 despues di un renobacion total. Ademas di ta miembro di IOC e ta afilia na varios organisacion deportivo internacional, entre nan ACNO/ANOC (Association of National Olympic Committees), PANAM Sports, ODESUR (Organización Deportiva Suramericana), ODECABE (Organización Deportiva Centroamericana y Caribe) y CANOC (Caribbean Association of National Olympic Committees).

Lista di Presidente

editá
  • Teodulo (Dooley) Tromp (1985-1995)
  • Rudy Leysner (1995-1996)
  • Ling Wong (1997-2000)
  • Alonso Tromp (2000-2003)
  • Leo Maduro (2004-2008)
  • Roy Mezas (2009-2013)
  • Edwin Roos (2013-2017)
  • Roy Mezas (2017-2021)
  • Wanda Broeksema (2021-presente)

Directiva

editá

E hunta di directiva di COA (2021-2025) ta consisti di Wanda Broeksema, presidente; Nicole Hoevertsz, secretaria general y e miembronan Zuleima Dabian-Erasmus, Perlishka Lockhart-Orman y Monica Pimentel.[2]

Galeria

editá
  •  
    Sede di COA na Vondellaan 27.
  •  
    Bishita di Thomas Bach na 2023 durante apertura di e sede di COA.
  •  
    Presidente IOC, Thomas Bach, cu miembronan di directiva di COA, Nicole Hoevertsz y Wanda Broeksema.
  •  
    Mural di Paul Wong riba muraya na banda representando ramonan di deporte olimpico.
  •  
    Trahe di Aruba pa e apertura di Weganan Olimpico 2020 na Tokyo, diseña pa Magaly Maduro.

Mira tambe

editá
editá
For di "https://pap.wikipedia.org/w/index.php?title=Comite_Olimpico_Arubano&oldid=134746"