Guèrra d'Independéncia d'Angòla
|
Guèrra d'Independéncia d'Angòla
| |
|---|---|
| Informacions generalas | |
| Data | 1961 - 1975 |
| Luòc | Angòla |
| Cambiaments territorials | Independéncia d'Angòla |
| Eissida | Victòria independentista Començament de la Guèrra Civila d'Angòla |
| Belligerants | |
 Portugal
|
 MPLA |
| Fòrças en preséncia | |
| 65 000 maximum | 90 000 maximum |
| Pèrdas | |
| 3 500 tuats | 50 000 tuats |
| Nòtas | |
| Entre 30 000 e 50 000 civius tuats | |
La Guèrra d'Independéncia d'Angòla foguèt un conflicte de la descolonizacion d'Africa que se debanèt de 1961 a 1975. Opausèt Portugal a unei guerilhas independentistas (MPLA, UNITA, FNLA, FLEC) sostengudas per de país africans o lo blòt sovietic. S'acabèt per la victòria deis independentistas e l'independéncia d'Angòla.
Lo conflicte foguèt entraïnat per la repression saunosa de doas manifestacions independentistas en 1960. Tre 1961, lo MPLA comencèt d'atacar lei fòrças portuguesas. Foguèt jonhat en 1962 per l'UNITA e per lo FNLA. Portugal refusèt de laissar l'independéncia a una colonia qu'aviá una importància gròssa per l'economia portuguesa en causa de sei ressorsas (petròli, diamant, coton, cafè, fusta...) e de sa populacion de colons. Una fòrça importanta foguèt donc mandada per protegir lei centres economics de la costat e la colonizacion foguèt accelerada amb l'installacion de colons nombrós sus lo territòri. Pasmens, lei soudats portugués poguèron pas esquichar la guerilha qu'èra equipada d'armas modèrnas per lo blòt sovietic, especialament per luchar còntra l'aviacion. Aquò entraïnèt lo partiment dau país entre lei dos camps e aumentèt l'impopularitat de la guèrra au sen de la populacion portuguesa. Ansin, après la Revolucion Portuguesa de 1974, la guèrra coloniala foguèt rapidament abandonada e Angòla venguèt independent entraïnant lo començament de la Guèrra Civila d'Angòla fins a 2002 entre lei venceires.
Liames intèrnes
[modificar | Modificar lo còdi]Bibliografia
[modificar | Modificar lo còdi]- (fr) Jean-Louis Dufour e Maurice Vaïsse, « Les Guerres de décolonisation », La Guerre au XXe siècle, Hachette, 2003, pp. 135-162.
Nòtas e referéncias
[modificar | Modificar lo còdi]