Osho
Rajneesh Chandra Mohan Jain (रजनीश चन्द्र मोहन जैन) (11 de decembre de 1931 al Madhya Pradesh – 19 de genièr de 1990 a Pona, Maharashtra), mai conegut dins los ans 1960 jol nom d'Acharya Rajneesh, puèi dins los ans 1970 et 1980 jos Bhagwan Shree Rajneesh puèi prenent fin finala lo nom d'Osho, foguèt qualificat de goró indian iconoclasta e plan controversiat. Visquèt d'en primièr en Índia puèi dins d'autres païses coma, subretot, als Estats Units d'America ont aviá fondat un centre esperital en Oregon. Inspirèt lo movement que prenguèt son nom: « Osho ». Es lo creator de çò que nomenèt la « meditacion dinamica »[1]. Tanben foguèt una de las influéncias màger del corrent New Age[2]. Son actitud jutjada fòrça permissiva al subjècte de la sexualitat e los conselhs que donava al seus adèptes e per aquò son chafre als EUA foguèt « sex guru »[3]. Fòrça afars contribuiguèron a declin de sas comunautats fins a lor desapareisson. Demora pasmens ara un autor (nota: gaireben jamai escriguèt de libres, sos discors espontanèus foguèron transcrich) fòrça popular[4].
Biografia
modificarNascut en 1931 a Jabalpur en Índia, ainat d'onze enfants dins una familha jaïna[5], Rajneesh Chandra Mohan faguèt d'estudis universitàrias (obtenguèt l'agregacion de filosofia en 1953) e devient en 1957 professor dins doas universitats[6].
Comença donar de conferéncias en 1966. Mas es a partir de 1974, après aver daissat Bombai ont èra malaut d'astme, du diabèta e fòrça allergias[7], que comença a recebre totjorn mai d'occidentals dins son ashram de Puna en Índia (qu'es ara encara lo luòc del vast Osho International Meditation Resort).
Après dos ans e mièg qu'observèt un vòt de silenci, arribèt als EUA en 1981, en partida per recebre de sonhs medicals. Sos discípols crompan una bòrda dins Oregon, lo « Big Muddy Ranch » que venguèt « Rajneeshpuram »[8].
A la mitat dels ans 1980, recep geireben 30 000 visitors cada an[9] e realiza una varietat de meditacions dinamicas, de tòca catarticas per, segon el, de liurar lo còs e l'esperit. Sos metòdes son inspirats de tradicions tantricas e seràn ensenhadas dins los centres o « universitats Osho » pel mond.
De psicològs e psicoterapeutas, subretot eissits del movement del potencial uman, e tanben de mètges venguèron s'iniciar a sas practicas[10].
La comunautat de « Rajneeshpuram » s'aclapa après de longas lutas ostilas amb los vesins de la proprietat[11],[12] e los abitants de la region.
Moriguèt en Índia en 1990 après aver demorats uns ans dins son ashram dels EUA e èsser tornat viure en Índia en 1987.
Osho expliquèt que son nom ven del mot « oceanic » de William James, que significa « se dissòlvre dins l'ocean ». « Oceanic » desciu l'experiéncia, dich Osho, mas que de la persona d'aquela experiéncia? Osho descobriguèt que le tèrme « Osho » foguèt utilizat istoricament en Orient Extrèm per significar «Lo Benastruc, Aquel sus que lo Cèl escampa de flors»[13].
Doctrina
modificarDins sas primièras conferéncias publicas, Osho pren per tèma màger la critica virulenta dels líders religioses indós e la morala de la societat indiana. Sos discors sus la sexualitat lèu fa d'el una figura radicala e polemica de l'esperitualitat indiana puèi occidentala (fins a provocar un ensag d'assassinat en 1980 realizat per un fondamentalista indó). Son arribada en plen vam de la contra cultura als EUA faguèt son benastre[14].
En 1970, inventa la « meditacion dinamica », una practica d'una ora que ven sa caracteristica. Es consebuda al contrari de la compenseson mai tradicionala de la meditacion[14], e consistís en d'exercicis successius de respiracion accelerada, de sesilhas catarticas, de repeticions de mantra, de dança. L'objectiu seriá estat de liberar los individús de tot çò que rebutan en eles[14].
Oficialament, son ensenhament cerca a promòure una mena de « celebracion de la vida » puslèu que lo « renonçament al mond » presicat dins los grands corrents esperitals. Quitament se fòrça influenciat per la pensada de Gurdjieff, Osho mantengava de ligams mai pròche amb sos discípols fins a crear un biais de « familha esperitala » que, al contrari dels objectius avançats, acabèt per se « copar del mond »[14].
Mas l'aspècte màger de so ensenhament es sa personalitat carismatica. Percebut coma un excellent orator, sa precéncia cercada pels seus discípols qu'unes ne parlèron coma d'una dròga[14].
Controvèrsias
modificar
La persona d'Osho e son movement, tant Índia qu'als EUA, foguèron l'objècte de fòrça criticas, rumors e tanben d'accusacions mai gravas. Lo Centre Osho francés foguèt citat dins lo rapòrt parlementari redigit en 1995 per la commission d'enquèsta sus las sèctas.
Pendent d'eleccions localas en 1984 dins la comtat de Wasco, en Oregon, de pròches discípols d'Osho, en apréncia a l'amagat de lor goró[15], ensajèron d'empoisonar amb la salmonella d'abitants de la vila de The Dalles pendent una ataca bioterrorista de The Dalles per far penjar los vòtes en lor favor. 750 personas foguèron intoxicadas. Lo quita Osho revèla aquel atentat dels seus, l'afar fa fòrça bruch e a l'origina de l'aclapament de la comunautat. Osho foguèt lèu arrèstat per violacion de leis sus l'imigration e tornat en Índia[11].
Segon un dels seus primièrs discípols, Osho foguèt arrestat en 1985, qu'ensejava de fugit la Carolina del Nòrd cap a las Bermudas amb 55 000 dolars, d'un pistolet e de jòias d'una valor totala de unes milions de dolars[16].
Osho èra conegut per son gost de la provocacion, esitant pas a utilizar los renècs enebits en public als EUA[17]. Petendiá atal sortir los interlocutors de lor « biais de pensada convencional »[8]. Mas un tal langatge dins l’America dels ans 1980 èra mal recebuda.
Segon la Neerlandesa Maroesja Perizonius, realisatritz del documentari La maire, l'enfant e lo goró (De droom van mijn moeder, 2006)[18], que al vejaire de sa maire pendent set ans, unes membres de la comunautat d'Osho aurián agut de relacions sexualas amb d'enfants de 13 ans[19].
De discípols fortunats o grops de discípols ofriguèron de Rolls Royce que se constituiguèt una colleccion recòrd de 91 veïculs, fòrça mediatizada[8]. La fortuna d'Osho a sa mòrt foguèt estimada a un miliard de dolars (Le Monde, 21-22 de genièr de 1990).
Bibliografia
modificarNotas e referéncias
modificar- ↑ Méditation dynamique sur le site Osho.com
- ↑ Heelas, Paul (1996), The New Age Movement: Religion, Culture and Society in the Age of Postmodernity, Oxford: Wiley-Blackwel
- ↑ Joshi, Vasant (1982), The Awakened One, San Francisco, CA: Harper and Row
- ↑ Forsthoefel, Thomas A.; Humes, Cynthia Ann (eds.) (2005), Gurus in America, Albany, NY: State University of New York Press
- ↑ Gordon, James S. (1987), The Golden Guru, Lexington, MA: The Stephen Greene Press
- ↑ Sur le site de l'université de Sagar
- ↑ Frances FitzGerald (22 septembre 1986), "Rajneeshpuram", The New Yorker
- ↑ 8,0 8,1 et 8,2 {{{títol}}} (poche). ISBN 978-0-8264-5959-6. LCCN 99030475.
- ↑ itra, S., Draper, R., and Chengappa, R.: Rajneesh: Paradise lost, dans : India Today, 15 décembre 1985
- ↑ Joshi, Vasant (1982), The Awakened One, San Francisco, CA: Harper and Row
- ↑ 11,0 et 11,1 Staff.
- ↑ Staff (1990).
- ↑ Erratum présent dans le livre Mon Chemin, le Chemin des Nuages Blancs, Osho Rajneesh, Les éditions du Gange, 1995
- ↑ 14,0 14,1 14,2 14,3 et 14,4 {{{títol}}}.
- ↑ Aveling, Harry (ed.) (1999), Osho Rajneesh and His Disciples: Some Western Perceptions, Delhi: Motilal Banarsidass
- ↑ Témoignage de Calder
- ↑ Une de ses conférences tournait autour des usages et variations possibles du mot Fuck Vidéo de Osho International « Si Dieu est mort, vous perdez un des mots les plus importants de la langue anglaise, il va vous falloir un substitut.
- ↑ La mère, l'enfant et le gourou présenté sur le site d'Arte
- ↑