Swansea Bay

Swansea Bay (walisisk Bae Abertawe) er ei bukt i Bristolkanalen på sørkysten av Wales. Av stader ved bukta finn ein Mumbles, Swansea og Port Talbot. River Neath, River Tawe, River Afan og Blackpill munnar alle ut i bukta.

Swansea Bay (og alle øvre delar av Bristolkanalen) har ein av dei største tidvasskilnadane i verda med ein maksimal skilnad på om lag 10 meter.^[1] I Swansea Bay ligg hamnene Swansea Docks, Port Talbot Docks og Briton Ferry-kaien.

Historie

Østersfiske var ein gong ein viktig industri i Swansea Bay, med over 600 tilsette på det meste i 1860-åra. Overfiske, sjukdom og forureining utrydda østersbestanden før 1920. I 2005 vart det kunngjort planar om å opprette østersoppdrett i bukta.^[2]

Strender

Langs bukta ligg fleire sandstrender. Kvar strand har sitt eige namn:

Aberavon Beach
Baglan Bay
Jersey Marine Beach
Swansea Beach
Mumbles Beach

Bracelet bay, Mumbles og Swansea bay, sett frå Mumbles fyrstasjon

Forureining

Dei siste to tiåra av 1900-talet vart bukta øydelagd av forureining, delvis frå omliggande tungindustri og delvis frå kloakkutslepp. Dei naturlege havstraumane i området gjorde òg at forureininga ikkje vart frakta bort frå bukta. Rundt 1996 stoppa kloakkutsleppa, som i staden vart lagt i røyr til eit kloakkreinseanlegg nær Port Tennant. Dette har ført til stor betring i vasskvaliteten i bukta.

Kraft

Sidan Swansea Bay har så kraftige tidvasstraumar er det lagt fram planar om tidvasskraftverk her.^[3]. I tillegg er det planlagt ein vindmøllepark uti bukta.^[4]

Bakgrunnsstoff

Kjelder

Denne artikkelen bygger på «Swansea Bay» frå Wikipedia på engelsk, den 11. januar 2010.
- Wikipedia på engelsk oppgav desse kjeldene:

↑ Swansea Bay og Gower Tides, arkivert frå originalen 28. september 2011, henta 11. januar 2010
↑ «Bay plans oyster trade revival». BBC.
↑ source: http://www.tidalelectric.com/Projects%20UK.htm Arkivert 2008-02-22 ved Wayback Machine.
↑ source: http://www.greenpeace.org.uk/contentlookup.cfm?ucidparam=20041005181339 Arkivert 2005-03-20 ved Wayback Machine.

51°35′N 3°54′W / 51.583°N 3.900°W / 51.583; -3.900

[1] Swansea Bay og Gower Tides, arkivert frå originalen 28. september 2011, henta 11. januar 2010

[2] «Bay plans oyster trade revival». BBC.

[3] source: http://www.tidalelectric.com/Projects%20UK.htm Arkivert 2008-02-22 ved Wayback Machine.

[4] source: http://www.greenpeace.org.uk/contentlookup.cfm?ucidparam=20041005181339 Arkivert 2005-03-20 ved Wayback Machine.

[1]

[2]

[3]

[4]