Shaft av Isaac Hayes

Shaft Filmmusikkalbum av Isaac Hayes
Språk	engelsk
Utgjeve	August 1971
Innspelt	1971 Stax Recording Studios (Memphis i Tennessee)
Sjanger	Funk, soul
Lengd	69:29
Selskap	Enterprise ENS-2-5002
Produsent	Isaac Hayes
Isaac Hayes-kronologi
...To Be Continued (1971)	Shaft	Black Moses (1971)

Shaft er eit dobbeltalbum av Isaac Hayes, spelt inn for Stax Records-etiketten Enterprise som filmmusikkalbum for Metro-Goldwyn-Mayer sin blaxploitation-film Shaft i 1971. Albumet består hovudsakleg av instrumentalar Hayes skreiv for filmen. Det vart spelt inn tre songar med vokal: «Soulsville», «Do Your Thing» og «Theme from Shaft». Albumet vart ein stor suksess og er kanskje det mest kjende verket til Hayes.

I 2014 vart albumet lagt til National Recording Registry i USA av Library of Congress fordi det vart rekna som «kulturelt, historisk eller estetisk viktig.»

Konsept

Hayes vart først involvert med Shaft i håp om at regissøren Gordon Parks skulle gje han hovudrolla i filmen, men var ikkje klar over at Richard Roundtree alt hadde fått rolla som John Shaft. Hayes var med i filmen i ei cameo-rolle, men meir viktig var det at han skreiv musikken til filmen. Medan filmen framleis var i produksjon sendte Parks råmateriale av filmen til Hayes, og Hayes skreiv tre stykke for scenane: «Theme from Shaft» for opninga, «Soulsville» for ein scene der Shaft går gjennom Harlem, og «Ellie's Love Theme» for ein kjærleiksscene.

MGM var nøgd med resultatet og ønskte at Hayes skulle skrive resten av musikken til filmen, og musikaren brutke to månader mellom turneringa si på å skrive musikken i studioet til MGM. Då musikken var komponert og arrangert, fekk Hayes Stax-bandet The Bar-Kays til å spele inn rytmespora på berre éin dag. Orkesterspora vart spelt inn dagen etter, og vokalen dagen etter det igjen. Songane vart seinare spelt inn på ny for albumet i Stax Studios og lett omarrangert frå filmversjonane. Studioet til MGM var basert på berre tre spor og Hayes ønskte ein rikare lyd for albumet.

Mottaking

Meldingar
Karakter
Kjelde	Karakter
All About Jazz	(positiv)
Allmusic
Robert Christgau	C+
Mojo	(positiv)
Pitchfork Media	(8.5/10)
Q
Warr.org
Yahoo! Music	(positiv)

Då albumet kom ut sommmaren 1971 vart Shaft det første doble albumet med originalt studiomateriale som vart gjeve ut av ein R&B-artist. Albumet gjekk til topps på Billboard 200-lista og låg seksti veker inne på lista. Det låg på toppen av R&B-lista til Billboard i heile 14 veker. Både «Theme from Shaft» og «Do Your Thing» vart singlar som nådde topp 40 på Billboard Hot 100, og førstnemnde gjekk heilt til topps.

I 1972 vann «Theme from Shaft» Grammyprisen for beste ikkje-klassisk lydtekniksk song og beste instrumentale arrangement. Filmmusikken vann prisen for beste instrumental skriven for film eller fjernsyn. National Association of Television and Radio Announcers gav Shaft prisen får årets album. Under Oscarprisen det året vart Hayes den første afroamerikanaren som vann ein Oscar i ein kategori som ikkje var for skodespelarar då «Theme from Shaft» vann prisen for beste originale song. Isaac Hayes var nominert i klassen for beste originale dramatiske musikk, men tapte for Michel Legrand og musikken til Summer of '42.

I 2009 vart albumet gjeve ut på CD av Stax Records med eit bonusspor, «Theme from Shaft» (2009 Mix).

Innhald

Alle songar skrivne og produserte av Isaac Hayes.

Side ein

Side ein

Nr.	Tittel	Lengd
1.	«Theme from Shaft» (vokalversjon)	4:39
2.	«Bumpy's Lament»	1:51
3.	«Walk from Regio's»	2:24
4.	«Ellie's Love Theme»	3:18
5.	«Shaft's Cab Ride»	1:10

Side to

Nr.	Tittel	Lengd
6.	«Cafe Regio's»	6:10
7.	«Early Sunday Morning»	3:49
8.	«Be Yourself»	4:30
9.	«A Friend's Place»	3:24

Side tre

Nr.	Tittel	Lengd
10.	«Soulsville» (vokalversjon)	3:48
11.	«No Name Bar»	6:11
12.	«Bumpy's Blues»	4:04
13.	«Shaft Strikes Again»	3:04

Side fire

Nr.	Tittel	Lengd
14.	«Do Your Thing» (vokalversjon)	19:30
15.	«The End Theme»	1:56

Medverkande

• Solovokal (spor A1, C1, D1), klaverinstrument (alle spor), og tekst (A1, C1, D1) : Isaac Hayes
• Rytme, blåsarar og strykarar arrangerte av Johnny Allen (spor A1-A2, A4-D2), J.J. Johnson (A3) og Isaac Hayes (alle spor)
• Korvokal av Pat Lewis, Rose Williams og Telma Hopkins (spor A1, C1, D1)
• Instrumentering av The Bar-Kays og The Isaac Hayes Movement
  • Elektrisk piano av Lester Snell
  • Bassgitar av James Alexander (spor A1-A4, B1-D2)
  • Gitar av Charles Pitts
  • Gitar av Michael Toles
  • Trommer av Willie Hall
  • Conga og bongotrommer av Gary Jones
  • Solotrompet av Richard «Johnny» Davis
  • Fløyte av John Fonville

Prisar og lister

Billboard-lista

Album

Liste	Plassering
Billboard 200	1
Black Albums
Jazz Albums

Singlar

Singel	Liste	Plassering
«Theme from Shaft»	Billboard Hot 100	1
	Black Singles	2
	Adult Contemporary Singles	6

«Do Your Thing» var òg ein Topp 40 Pop-singel.

Grammy-prisar

• Shaft
  • Beste instrumentar skriven for film eller fjernsyn (Isaac Hayes)
• «Theme from Shaft»
  • Beste ikkje-klassiske lydtekniske song (Dave Purple, Henry Bush, Ron Capone)
  • Beste instrumentale arrangement (Isaac Hayes, Johnny Allen)

Samplingar

• «Theme from Shaft»
  • «100 Miles and Runnin’» av N.W.A
  • «Dance All Nite» av Poison Clan
  • «Get Down» av LL Cool J
  • «Know How» av Young MC
  • «Reservoir Dogs» av Jay-Z med The LOX, Beanie Sigel og Sauce Money
• «Bumpy's Lament»
  • «Drugs» av Lil' Kim på albumet Hardcore
  • «Xxplosive» av Dr. Dre på albumet 2001
  • «Back At You» av Mobb Deep på albumet Sunset Park (Soundtrack)
  • «Berceau de l’Amérique» av La Constellation
• "Walk from Regio's"
  • «On the Double» av Grooverider på albumet Mysteries of Funk
  • «The Sounds of Science» av Beastie Boys
• «Ellie's Love Theme»
  • «Trae ese ron» av Doble V
• «No Name Bar»
  • «Soulja's Story» av 2Pac på albumet 2Pacalypse Now
• «Do Your Thing»
  • «Smooth Operator» av Big Daddy Kane på albumet It's a Big Daddy Thing
  • «Santa Claus Goes Straight to the Ghetto» av Snoop Doggy Dogg med Dat Nigga Daz, Tray Deee, Bad Azz & Nate Dogg
  • «Sobran palabras» av Triple XXX
• «The End Theme»
  • «Phat in the Whole» (Roll mix) av The Marginal Prophets

Kjelder

• Denne artikkelen bygger på «Shaft (album)» frå Wikipedia på engelsk, den 16. august 2016.
  • Wikipedia på engelsk oppgav desse kjeldene: