Papirstorleik

Papirstorleik blir standardisert etter ISO 216. Standarden definerer ei rad med storleikar, der ei endring frå eitt tal til neste større tal inneber ei halvering av den lengste sida, som om ein brettar arket midt på langsida.

Eksempelvis er A4-papir 210 × 297 mm, og A5 er 148 × 210 mm.

Eit A0-ark måler éin kvadratmeter. Papirvekt blir rekna slik at eksempelvis 80 g-papir er papir der eit A0-ark veg 80 gram. Eit A4-ark av 80-g printerpapir veg såleis 5 g (det går 16 A4-ark på eit A0-ark).

A- og B-formata høver med metersystemet; A0 fyller ein kvadratmeter, mens B0 er ein meter på kortsida.

For konvoluttar finst ei C-rekke, som er utforma slik at ein kan leggje det tilsvarande A-papiret inn i konvolutten. Ein C5-konvolutt passer derfor til eit A5-ark eller eit bretta A4-ark.

Dei internasjonale standardane for papirstorleik blir brukt over det meste av verda, men i mindre grad i amerikanske land.

Internasjonale papirstorleikar (ISO 216)

Namn	Storleik (mm)	Namn	Storleik (mm)	Namn	Storleik (mm)	Namn	Storleik (mm)	Namn	Storleik (mm)
A0	841 × 1189	B0	1000 × 1414	C0	917 × 1297
A1	594 × 841	B1	707 × 1000	C1	648 × 917	D1	545 × 771
A2	420 × 594	B2	500 × 707	C2	458 × 648	D2	385 × 545
A3	297 × 420	B3	353 × 500	C3	324 × 458	D3	272 × 385	E3	400 × 560
A4	210 × 297	B4	250 × 353	C4	229 × 324	D4	192 × 272	E4	280 × 400
A5	148 × 210	B5	176 × 250	C5	162 × 229	D5	136 × 192	E5	200 × 280
A6	105 × 148	B6	125 × 176	C6	114 × 162	D6	96 × 136	E6	140 × 200
A7	74 × 105	B7	88 × 125	C7	81 × 114	D7	68 × 96
A8	52 × 74	B8	62 × 88	C8	57 × 81
A9	37 × 52	B9	44 × 62	C9	40 × 57
A10	26 × 37	B10	31 × 44	C10	28 × 40

Når man ser bort frå tilpassing som følgje av avrunding, kan papirstorleiken i dei tre hovudseriane bli rekna ut av ein matematisk formel:

Namn	Storleik (m)	Namn	Storleik (m)	Namn	Storleik (m)
An	$2^{-1/4-n/2}\times 2^{1/4-n/2}$	Bn	$2^{-n/2}\times 2^{1/2-n/2}$	Cn	$2^{-1/8-n/2}\times 2^{3/8-n/2}$

Denne artikkelen bygger på «Størrelser (papir)» frå Wikipedia på dansk, den 20. desember 2016.