Dhahran
| Dhahran | |||
| arabisk الظهران, ad-Dahrān | |||
| by | |||
 | |||
| Land |  Saudi-Arabia
| ||
|---|---|---|---|
| Region | Austprovinsen | ||
| Høgd | 17 moh. | ||
| Koordinatar | 26°16′N 50°09′E / 26.267°N 50.150°E | ||
| Areal | 100 km² | ||
| • vatn | 0 km² | ||
| Folketal | 138 135 (2012) | ||
| Folketettleik | 1 381 / km² | ||
| Borgarmeister | Bandar Al-Subayi | ||
| Tidssone | EAT (UTC+3) | ||
| Postnummer | 31261 | ||
| Retningsnummer | +966-13 | ||
 Dhahran 26°16′00″N 50°09′00″E / 26.266666666667°N 50.15°E | |||
  Kart som viser Dhahran.
| |||
| Wikimedia Commons: Dhahran | |||
Dhahran (arabisk الظهران, aẓ-Ẓahrān) er ein by i Austprovinsen i Saudi-Arabia. Han er eit stort administrativt senter for saudiarabisk oljeindustri. I lag med dei nærliggande byane Ad Dammam og Al Khobar, dannar Dhahran ein del av Dammam storbyområde eller Stor-Dammam med eit estimert folketal på kring 4,1 millionar innbyggjarar (2012).
Det vart funne store oljereservar i Dhahran-området i 1931, og i 1935 bora Standard Oil den oljebrunnen som kunne utnyttast kommersielt. Standard Oil oppretta sidan eit dotterselskap i Saudi-Arabia kalla Arabian American Oil Company (ARAMCO), som i dag er blitt eit heilt statseigd selskap og kalla Saudi Aramco. Dhahran har vore hovudkvarteret til Saudi Aramco i 80 år og det første og største inngjerda bustadområde med meir enn 9 700 innbyggjarar.
Geografi
[endre | endre wikiteksten]Dhahran ligg like vest for sentrum av Khobar. Han ligg 15 km sør for Dammam. Begge er eldre, saudiarabiske hamnebyar ved kysten av Persiabukta. Lenger unna ligg Abqaiq i nordaust og Qatif i søraust, og enno lenger nord ligg Ras Tanura, ei stor oljeeksporthamn. Øya Bahrain ligg òg i kort køyreavstand i aust (kring 35 km), over Kong Fahd-vegfyllinga, frå Khobar.
Klima
[endre | endre wikiteksten]Klimaet i Dhahran er prega av lange, varme og fuktige somrar, og milde vintrar. Temperaturane stig til over 40 ºC om sommaren saman med særs høg luftfukt på 85—100 %. Varmerekorden i Dhahran er 51,1 °C.[1] Om vinteren fell tempeaturen sjeldan under -2 °C, og kulderekorden er på −5 °C frå januar 1964.[2] Regn kjem det nesten berre mellom november og mai. Shamal-vinden bles vanlegvis gjennom byen tidleg på sommaren, og fører til sandstormar som kan redusere sikta til nokre få meter. DEsse vindane kan vare i opp til seks månader.
Den 8. juli 2003 var doggpunktet i byen målt til 35 ºC, medan temperaturen var 42 ºC. Dette gav ein følt temperatur på 78-79 ºC, ein av dei høgaste følte temperaturane som er målt i verda.[3]
| Vêrdata for Dhahran, Saudi-Arabia | |||||||||||||
|---|---|---|---|---|---|---|---|---|---|---|---|---|---|
| Jan | Feb | Mar | Apr | Mai | Jun | Jul | Aug | Sep | Okt | Nov | Des | År | |
| Høgast målte °C | 30 | 36,2 | 38,8 | 45 | 51,1 | 49 | 49 | 48,5 | 46,6 | 44,5 | 37,5 | 31 | 51,1 |
| Gjennomsnittleg maks °C | 20,8 | 22,3 | 25,6 | 32,4 | 38,7 | 41,7 | 43,3 | 42,4 | 40,3 | 35,6 | 28,9 | 23,2 | 32,9 |
| Døgnmiddeltemperatur °C | 15,5 | 16,7 | 20,6 | 25 | 30,6 | 33,4 | 35,2 | 34,4 | 31,9 | 27,9 | 22,3 | 17 | 25,9 |
| Gjennomsnittleg min °C | 10,2 | 11,5 | 14,7 | 19,7 | 24,6 | 27,5 | 28,9 | 28,7 | 25,6 | 22 | 17,1 | 12,4 | 20,2 |
| Lågast målte °C | −4 | 3 | 6 | 10 | 14 | 19,4 | 21 | 19,5 | 18,5 | 13,4 | 8 | 3,4 | −4 |
| Gjennomsnittleg nedbør mm | 17,7 | 15,2 | 35,3 | 3,5 | 1,2 | 0 | 0 | 0 | 0 | 0,3 | 18,6 | 15,7 | 107,5 |
| Gns. luftfukt (%) | 73 | 68 | 60 | 55 | 43 | 34 | 36 | 44 | 53 | 60 | 64 | 66 | 55 |
| Kjelde: Hong Kong Observatory (1981–2000)[4]NOAA (extremes and fukt, 1961-1990)[2] | |||||||||||||
Historie
[endre | endre wikiteksten]Dhahran vart grunnlagd i 1938, då det vart oppdaga olje i nærleiken.[5]
Under andre verdskrigen den 19. oktober 1940, vart Dhahran angripen av det italienske luftforsvaret (Regia Aeronautica) som ein del av bombinga av Bahrain, men fekk få skadar. I 1950 hadde Dhahran eit folketal på kring 7 000 innbyggjarar.[6] Under Golfkrigen var byen åstad for kampar og dei største tapa av liv for koalisjonsstyrkane. Den 25. februar 1991 råka eit irakisk missil ein amerikansk forlegning i byen og tok livet av 28 amerikanske soldatar frå Pennsylvania.
Økonomi
[endre | endre wikiteksten]Dhahran har hovudkvarter i Saudi Aramco.[7] Selskapet er det største oljeselskapet i verda med dei største oljereservane i verda,[8] og dei produserer kring 10 millionar fat olje kvar dag. Det meste av olja vert eksportert, sidan saudiarabarane sjølv berre krev kring 12 % av den samla produksjonen sin.
Demografi
[endre | endre wikiteksten]Dei fleste innbyggjarane i Dhahran er saudiarabarar, men her bur òg mange utanlandske arbeidarar frå asiatiske land som Bangladesh, India, Indonesia, Nepal, Pakistan og Filippinane, i tillegg til land som USA, Canada, Europa, Tyrkia, Sør-Afrika, Australia og New Zealand. I 1993 var folketalet 73 691.[9] I 2004 hadde folketalet auka til 97 446.
Kjelder
[endre | endre wikiteksten]- Denne artikkelen bygger på «Dhahran» frå Wikipedia på engelsk, den 25. mai 2016.
- Wikipedia på engelsk oppgav desse kjeldene:
- ↑ «Extreme Temperatures Around the World». Henta 17. desember 2015.
- ↑ 2,0 2,1 «Climate Normals for Dhahran». National Oceanic and Atmospheric Administration. Henta 17. desember 2015.
- ↑ Samenow, Jason (3. juli 2013). «Washington, D.C. can feel hotter than Death Valley at its hottest». The Washington Post.
- ↑ «Climatological Information for Dhahran i Saudi-Arabia». Hong Kong Observatory. Arkivert frå originalen 3. april 2012. Henta 17. desember 2015.
- ↑ Cohen, Saul B. The Columbia Gazeteer of the World (New York: Columbia University Press, 1998) s. 828
- ↑ Columbia-Lippincott Gazeteer (New York: Columbia University Press, 1952) s. 510
- ↑ " Contact Us Arkivert 2012-06-05 ved Wayback Machine.." Saudi Aramco. Henta 5. november 2009.
- ↑ Some interesting oil industry statistics Gibson Consulting. Henta 20. januar 2014.
- ↑ «Dhahran». The Columbia Encyclopedia (6th utg.). The Columbia University. 2013. Henta 16. september 2013.(krev abonnement)
Bakgrunnsstoff
[endre | endre wikiteksten]
Wikimedia Commons har multimedia som gjeld: Dhahran