Albert Moen

Albert Moen
Statsborgarskap	Noreg
Fødd	12. juli 1879 Steinkjer kommune
Død	12. oktober 1962 (83 år)
Yrke	politikar, bonde
Språk	norsk
Politisk parti	Arbeidarpartiet

Albert Johnsen Moen (12. juli 1879–12. oktober 1962) var ein norsk småbrukar og stortingsmann frå Sparbu i Nord-Trøndelag. Han representerte Arbeidarpartiet og Nord-Trøndelag på Stortinget frå 1922 til 1945.

Moen var son til ein gardbukar i Henning. Etter folkeskulen og framhaldsskulen var han 1898-1900 elev ved Mære landbruksskole. I åra fram til 1910 var han tre-, anleggs- og teglverksarbeidar ved Trana Teglverk A/S i Steinkjer. Frå 1910 var han nyrydningsmann og småbrukar på Moen i Henning sokn, der han braut opp over 40 mål jord nyland. Samstundes var han vegarbeidsformann i Henning.

Moen var stiftar og formann i Sparbu og Henning Arbeiderparti, samt formann i Verdalens krinsparti av Arbeidarpartiet. I tida 1916-24 var han medlem av Sparbu heradsstyre. Hausten 1921 vart han vald inn på Stortinget frå valkrinsen Nord-Trøndelag, som den aller fyrste frå Arbeidarpartiet. Han vart verande stortingsrepresentant heilt 1945. På Tinget var han medlem 1922-27 i Jarnbanekomiteen, 1928-30 i Landbrukskomiteen, 1931-36 i Protokollkomiteen og 1937-45 i Helsekomiteen. Samstundes fekk han plass i fleire offentlege utval. Mellom anna var han med i Statens kornankenemnd frå 1929, i Den departementale kjøttkontrollkomité av 1936, i Småbrukarutvalet av 1936 og til sist medlem i Vinmonopolet sitt råd.

Lokalt tok Moen del i kulturlivet som dirigent av songkor og som revyforfattar. Han vart i 1959 tildelt Kongens fortjenstmedalje i gull.

Kjelder

• Stortingsbiografi Arkivert 2017-02-15 ved Wayback Machine.