Limits av Pænda
«Limits» (norsk: grenser) er ein popsong frå 2019 som er komponert og vert framført av den østerrikske musikaren Pænda. Songen var det austerrikske bidraget til Eurovision Song Contest 2019 i Tel Aviv i Israel.
Bakgrunn
«Limits» er skriven av låtskrivaren og musikkprodusenten Gabriella Horn, betre kjent under artistnamnet Pænda. Songen er ein av låtene på albumet Evolution II som vart utgjeve 26. april 2019.[1] På førespurnad frå kringskastaren ORF sende ho hausten 2018 inn «Limits» til vurdering for Eurovision Song Contest, og ORF valde songen til det austerrikske bidraget i tevlinga.[2]
«Limits» er ein popballade som fortel om korleis Horn i sin iver og lidenskap for musikk pressa seg forbi alle sine grenser, heilt til grensa for fullstendig utmatting. Songen fortel om hennar sårbarheit og erkjenninga om at ho måtte ta ein pause og ikkje presse alle grensene.[3]
I januar 2019 vart Austerrike trekt til å delta i den andre semifinalen av Eurovision Song Contest. Semifinalen vart arrangert i Expo Tel Aviv i Israel torsdag 16. mai, og Austerrike hadde startnummer 9.[4] «Limits» enda på 17. plass i semifinalen og var dimed ikkje kvalifisert til finalen laurdag 18. mai.[5]
Referansar
- ↑ «Austria | PÆNDA Releases New Album Evolution II - Win A Signed Copy» (på engelsk). Henta 7. mai 2019.
- ↑ «It’s Pænda singing ‘Limits’ for Austria!» (på engelsk). Henta 7. mai 2019.
- ↑ «PÆNDA - Austria — Tel Aviv 2019». Henta 7. mai 2019.
- ↑ «Second Semi-Final of Tel Aviv 2019». EBU. Henta 5. mai 2019.
- ↑ «Second Semi-Final: Last 10 acts qualify for Eurovision 2019 Grand Final». 16. mai 2019. Henta 17. mai 2019.