Loco Loco
«Loco Loco» (spansk for galen, galen) er ein serbisk popsong frå 2021 som vert framført av den serbiske jentegruppa Hurricane. Songen var det serbiske bidraget i Eurovision Song Contest 2021 i Rotterdam i Nederland, og vart gjeven ut 5. mars 2021.
Om songen
«Loco Loco» er komponert og produsert av Darko Dimitrov og Nemanja Antonić, medan Sanja Vučić har skrive teksta.[1] Songen vart sloppen for digital nedlasting og strøyming 5. mars 2021.
Eurovision Song Contest
Hurricane skulle ha delteke i Eurovision Song Contest 2020 med låten «Hasta la vista», men tevlinga vart avlyst på grunn av koronaviruspandemien. I staden vedtok kringkastaren Radio-televizija Srbije (RTS) at gruppa skulle få delta i Eurovision Song Contest i 2021 i staden.[2] Vedtaket vart kunngjort 26. januar 2021, og tittelen til songen vart avsløra 23. februar same år.[1][3] Songen vart offentleggjord 5. mars.[4][5]
Serbia deltok i den andre semifinalen av Eurovision Song Contest i Rotterdam Ahoy i Nederland torsdag 20. mai. Der kom den på åttendeplass og kvalifiserte seg til finalen laurdag 22. mai.[6] I finalen enda songen på 15. plass med 102 poeng.
Referansar
- ↑ 1,0 1,1 «Serbia: Hurricane will sing "Loco Loco" at Eurovision 2021» (på engelsk). 22. februar 2021. Henta 23. februar 2021.
- ↑ «Hurricane - Serbia - Rotterdam 2021» (på engelsk). Henta 23. februar 2021.
- ↑ «Brace yourself: Hurricane storms into Eurovision 2021» (på engelsk). 17. desember 2020. Henta 23. februar 2021.
- ↑ «Hurricane blow us away with 'LOCO LOCO'» (på engelsk). 5. mars 2021. Henta 5. mars 2021.
- ↑ «Serbia: Hurricane Release Eurovision 2021 Entry "Loco Loco"» (på engelsk). 5. mars 2021. Henta 5. mars 2021.
- ↑ «Eurovision 2021 Semi-final 2 Results». Henta 22. mai 2021.