Le Mans

For andre tydingar av oppslagsordet, sjå Le Mans (fleirtyding).

Le Mans er ein by i Frankrike ved breidda av elva Sarthe. Han var lenge hovudstad i provinsen Maine, og er i dag prefecture (hovudstad) i departementet Sarthe. Innbyggjarane i byen vert kalla Manceaux og Mancelles. Le Mans har om lag 150 000 innbyggjarar, medan storbyområdet har nær 300 000 innbyggjarar.

Le Mans

Byvåpenet til Le Mans

Styresmakter

Land
Region
Departement

Frankrike
Pays-de-la-Loire
Sarthe

Geografi

Flatevidd

52,81 km²

Flatevidd
- By

52,81 km²

Innbyggjarar
- By (1999)
- folketettleik
- Storbyområde

146 105
1 275/km²
293 159

Koordinatar

48°0′18″N 0°11′52″E / 48.00500°N 0.19778°E

Høgd over havet

51 m

Tidssone
- Ved sommartid

CET (UTC+1)
UTC+2 (UTC)

Diverse anna

Postnummer

72181/ 72000

Telefon-retningsnummer

(0)243

Heimeside: Offisiell nettstad

Historie

Byen vart først nemnd av Ptolemaios som den romerske byen Vindinium og hovudstad for aulerci, ei stamme under Aedui. Le Mans vart òg kalla Civitas Cenomanorum (Byen av Cenomani). Byen låg då i den romerske provinsen Gallia Lugdunensis. Ein kan framleis sjå eit amfiteater frå 200-talet i byen.

Gregorius av Tours nemner den frankiske underkongen Rigomer, som vart drepen av Clovis under felttoget hans for å samle dei frankiske områda.

Som den største byen i provinsen Maine var det fleire kampar i Le Mans på 1000-talet mellom hertugane i Anjou og hertugane i Normandie. Då normannarane hadde kontroll over Maine, kunne Vilhelm Erobraren invadere England, men i 1069 gjorde innbyggjarane opprør og forviste normannarane. Etter dette vart Hugo V hertug av Maine.

Under den andre verdskrigen vart Le Mans frigjeve 8. august 1944 av amerikanske styrkar under Operasjon Overlord.

Sport

Byen er er kanskje best kjend for motorsport. To forskjellige racerbanar ligg i Le Mans. Den minste heiter Circuit Bugatti du Mans, og er ein relativt kort bane som vert brukt årer rundt. Den lengre og meir vidkjende Circuit de la Sarthe består delvis av offentleg vegar, som vert stengd for vanleg trafikk under løp, og som har vore åstad for det vidkjende billøpet 24 heures du Mans sidan 1923.

Bakgrunnsstoff

Commons har multimedium som gjeld: Le Mans

Offisiell nettstad
Turisme
Offisiell side for 24 heures du Mans Arkivert 2007-04-08 ved Wayback Machine.
Bilete av Le Mans Arkivert 2008-07-24 ved Wayback Machine.