Ut mine Stromtid
Dat Book Ut mine Stromtid vun Fritz Reuter is in Reuter sien Bookreeg Olle Kamellen rutkamen un möök dor de Delen III, IV un V ut (1862 bet 1864 rutkamen). Dat is een vun de ganz groten plattdüütschen Klassikers un dat Book möök Reuter to’n mehrstlesenen Schriever in Düütschland in de Tiet.
Wo dat üm geiht
[ännern | Bornkood ännern]Dat Book speelt in Mäkelborg in de eerste Hälft vun dat 19. Johrhunnert. De Hööftfigurn sünd de Inspekter Bräsig un Karl Hawermann.
Hawermann mutt sien Hoffsteed opgeven, nadem sien Fro doodbleven is. Sien Dochter Louise gifft he to de Pastoornfamilie Behrens un he sülvs hüürt, vermiddelt dör sien olen Fründ Bräsig, as Inspekter op Good Pümpelhagen an.
Wat annere dor vun maakt hebbt
[ännern | Bornkood ännern]Dat Book is ok mehrmaals as Film rutbröcht worrn. 1919 as Ut mine Stromtid vun Hubert Moest un 1925 as Kampf um die Scholle vun Erich Waschneck, dat weren all beid Stummfilms. In Sweden hett Ivan Hedqvist dat 1924 as Livet på landet verfilmt. Bror Bügler hett 1943 sien Film ok Livet på landet nöömt. 1936 hett Erich Waschneck sik noch wedder mit den Stoff befaat un Onkel Bräsig dreiht. 1989 hett de Noorddüütsche Rundfunk mit Carlheinz Caspari as Speelbaas dat ganze as Feernsehfilm maakt.
1978 hett de ARD de Reeg Onkel Bräsig mit 28 Folgen dreiht, de 1980 as Onkel Bräsig erzählt mit 14 Folgen foortsett worrn is.
As een vun ganz wenige Schrievers hett Reuter sien Ut mine Stromtid sogor op de sprakene Spraak inwarkt, de de Figurn Pomuchelskopp un Bräsig as charakterliche Prototypen övernahmen hett.
