Leo VIII.
Leo VIII. (* in Rom; † 1. März 965) weer af 4. Dezember 963 Paapst.
Sien Vörgänger Johannes XII. wurr dör en vun den röömsch-düütschen Kaiser Otto I. inberopen Synode nah en Anklage gegen hüm wegen tallriek Verbreeken afsett. De Synode hett dorup hen Leo VIII. an' 4. Dezember 963 to'n Paapst wählt.
De Protonotarius Leo gull as würdige Person, weer aber to den Tietpunkt vun sien Ernennung to'n Paapst Laie. Gegen den Kanon wurr he vun den Bischop vun Ostia an een Daag nahnanner to'n Ostiarius, Lektor, Exorzisten, Akolythen, Subdiakon, Diakon, Preester un sluutend to'n Bischop weeht. Nah sien Wahl wurr Leo VIII. footend up dat Privilegium Ottonianum as Paapst up den Thron sett. Ofschons he vun eenig Lüüd to'n Gegenpaapst verkloort wurr, gellt he as rechtmaatig Nahfolger vun Johannes XII.
Johannes XII. sülvst harr nie vun sien Rechte affsehn un hull, as Kaiser Otto Rom verlaaten harr, en Synode af. De sülvig Bischöp, de hüm dormals afsett harrn, hemm nu dat glieker Oordeel tegen Leo VIII. fällt. Johannes XII. is aber an' 14. Mai 964 storven.
Ahn sück wieder um Leo VIII. to kümmern, de in dat Heerlager vun Kaiser Otto flücht weer, hemm de Römer Benedikt V. (22. Mai bit 23. Juni 964) to'n Paapst wählt. Otto, de in disse Wahl en Bröök vun dat tonächst ok vun Johannes XII. billigt Privilegium seech, truck nu mit stark Heeresmacht gegen Rom. Benedikt V. wurr afsett un an sien Stäe wurr weer Paapst Leo VIII. in't Amt sett, de is denn aber all in' März 965 storven.
Literatur
[ännern | Bornkood ännern]- Harald Zimmermann: Leo VIII.. In: Biographisch-Bibliographisches Kirchenlexikon (BBKL). Band 4, Bautz, Herzberg 1992, ISBN 3-88309-038-7, Sp. 1442–1443.
- Indrag in de Catholic Encyclopedia, Robert Appleton Company, New York 1913 (engelsch)
Weblenken
[ännern | Bornkood ännern]
| Vörgänger | Amt | Nafolger |
| Johannes XII. (Paapst) | Paapst 963 - 964 |
Benedikt V. |
{{Folgenlist | AMT = Paapst | TIED = 964 - 965 | VÖRGÄNGER = Benedikt V. | NAFOLGER = [[=Johannes XIII. }}