Joan Hackett
Joan Ann Hackett (* 1. März 1934 in New York City, USA; † 8. Oktober 1983 in Encino, Kalifornien) weer en US-amerikaansche Schauspelersche.
Leven
[ännern | Bornkood ännern]Hackett weer in New York City boren, se is vun irisch-italieensch Afkunft. Ehr Afstammen na is se röömsch-kathoolsch optogen worrn un is op kathoolsch föhrte Scholen gahn.
As Schauspelersche hett se 1959 anfungen as Gail Prentiss in de Feernsehreeg Young Doctor Malone. Se hett ok Theater speelt un kreeg 1961 den Obie Award für ehr Speel op de Bühn.
1962 harr se de Hööftrull in de Episood A Piano in the House ut de Feernsehreeg Twighlight Zone. En wietere Hööftrull harr se 1966 in The Group vun Sidney Lumet blangen Candice Bergen, Larry Hagman, Richard Mulligan un Joanna Pettet. Twüschendör hett se Gastrullen in tallriek Serien hatt. To ehr bekanntesten Rullen tellt de Catherine Allen in den Western Will Penny vun 1968 an die Siet vun Charlton Heston. 1969 weer se in de Western-Kummedie Support Your Local Sheriff to sehn. Dorna hett se vör allen in Feernsehfilmen un -serien mitarbeit.
För ehr Rull in Only When I Laugh, de een vun ehr letzten Filmen wesen is, is se 1982 mit Nomineeren för Filmpriesen ehrt.
Hackett weer vun 1967 bit 1973 mit den Schauspeler Richard Mulligan verheiraadt. 1983 is bi ehr Eierstockkrebs faststellt worrn. En poor Weken later is se in’t Krankenhuus vun Encino doodbleven.
Filmografie (Utwahl)
[ännern | Bornkood ännern]| Johr | Titel | Synchroonsnacker |
|---|---|---|
| 1961-62 | The Defenders, Feernsehreeg dt.: Preston & Preston |
|
| 1962 | Rebecca, Feernsehfilm | |
| 1966 | The Group dt.: Die Clique |
|
| 1968 | Will Penny dt.: Der Verwegene |
Renate Danz |
| 1968 | Assigment to Kill dt.: Sein gefährlichster Auftrag |
Dinah Hinz-Weiss |
| 1969 | Support Your Local Sheriff! dt.: Auch ein Sheriff braucht mal Hilfe |
Sabine Eggerth |
| 1970 | The Young Country, Feernsehfilm | |
| 1970 | How Awful About Allan, Feernsehfilm | |
| 1970 | The Other Man, Feernsehfilm | |
| 1973 | The Last of Sheila dt.: Sheila |
Margot Leonard |
| 1974 | Reflections of Murder, Feernsehfilm | |
| 1974 | The Terminal Man dt.: Der Killer im Kopf |
Eva Kryll (Synchro 1992) |
| 1976 | Treasure of Matecumbe dt.: Der Goldschatz der Matecumbe |
|
| 1977 | Dead of Night, Feernsehfilm dt.: Mit der Nacht kommt der Tod |
|
| 1977 | The Possessed, Feernsehfilm dt.: Besessen |
|
| 1980 | The Long Days of Summer, Feernsehfilm dt.: In den langen Sommertagen |
|
| 1980 | One Trick Pony | |
| 1981 | Only When I Laugh dt.: Mrs. Hines & Tochter |
|
| 1982 | The Long Summer of George Adams dt.: Der lange Sommer des George Adams |
|
| 1982 | The Escape Artist dt.: Der große Zauber |
Utteken
[ännern | Bornkood ännern]Joan Hackett hett mit ehr Schauspeelkunst övertügen künnt. Se weer fief mol för Filmpriesen nomineert – ünner annern ok för den Oscar – un hett ok en Theaterpries winnen künnen. Uttekent worrn is se mit:
- 1961: den Obie Award för beste schauspelerisch Leistung in dat Theaterstück Call Me by My Rigthful Name:
- 1982: den Golden Globe as Beste Nevendorstellersche in Only When I Laugh
Weblenken
[ännern | Bornkood ännern]- Joan Hackett in de Internet Movie Database (engelsch)
- Biografie vun Joan Hackett (eng.)