Henry Pelham

Henry Pelham (* 25. September 1694 in Laughton, Sussex; † 6. März 1754 in London) weer Premierminister un Grootbritannien van' 14. Februar 1743 bit to sien Dood.

Familie

Henry Pelham weer de jüngere Bröer vun Thomas Pelham-Holles, 1. Herzog von Newcastle-upon-Tyne, un de jüngere Söhn vun Thomas Pelham, 1. Baron Pelham of Laughton. Henry Pelham sien Moder Lady Grace Holles († 1700), Dochter vun Gilbert Holles, 3. Earl of Clare weer de Süster vun John Holles, 1. Duke of Newcastle-upon-Tyne.

Pelham hett 1726 Catherine (1711–1780), Dochter vun den John Manners, 2. Duke of Rutland heiraadt, mit de he twee Döchter harr:

Catherine (1727–1760), Arvin vun Newcastle ∞ 1744 Henry Clinton, 2. Duke of Newcastle-under-Lyme
Grace (1728–1777) ∞ 1752 Lewis (?) Watson, 1. Baron Sondes of Lees Court

Karriere

1717 kreeg he en Seet in dat Parlament för den Bezirk Seaford in Sussex, de he bit 1722 wohrnehm.

Dör den Infloot vun sien Familie un dat Förspreken vun Robert Walpole wurr he 1721 to'n Sekretär in de Schatzverwalten. 1724 keem he in dat Kriegsministerium, hett dit Amt aber 1730 gegen den Posten vun en Heerestallmeester intuuscht. 1743 wurr Pelham to'n Premierminister beropen, togliek weer he aber ok noch Schatzkanzler (Chancellor of the Exchequer). De wichtigst Figur in dat Kabinett weer aber sien Bröer Thomas Pelham-Holles.

Pelham bleev in' öösterriekschen Arvfolgekrieg mit middelmatigen Spood un wies Schwächen in der Kriegsführung. König Georg II. wull 1746 Lord Bath as Premierminister hemm, aber gegen den Wedderstand vun de bei Pelham-Bröers kunn sück de König nich dörsetten. Pelham bleev Premierminister bit to sien Dood, sien Bröer is hüm denn in dat Amt nahfolgt.

Pelham gull as Mann mit en stark Persönlichkeit, moderatem Sülvstbewusstsein un hooch Anspröök an de Eegenschapen vun en Staatsmann. De vun hüm dat britisch Ünnerhuus entgegenbrocht Respekt führ to en gegensiedig Anerkennen. Sien Finanzpolitik weer in de Regeerenstiet spoodriek. De Belastungen vun den Staatshuusholt kunnen minneseert wurrn.

Kiek ok

List vun de Premierministers vun Grootbritannien

Weblenken

http://www.thepeerage.com/p1595.htm#i15947

Premierministers vun Grootbritannien