Chris Elliott

Chris Elliott (* 31. Mai 1960 in New York City) is en US-amerikaanschen Comedian un Schauspeler. He is de Söhn vun den Komiker Bob Elliott.

Leven un Wark

Elliott is in de USA bekannt worrn, as he in de fröhen 1980er Johren in de Feernsehshow Late Night with David Letterman optreden is, woneem he bit 1990 en poor sünnerboren Rullen speelt un ok veel schreven hett. In de 1990er Johren hett he denn sien egene Sitcom mit den Titel Get A Life maakt, in de he en dörtigjährigen Dagblatt-Utdräger speelt hett, de noch bi sien Öllern leevt. Sien wohren Vadder hett dorbi ok in de Reeg de Vadderrull speelt.

Vun 1994 an weer Elliott Dorsteller in de bekannten Comedy-Show Saturday Night Live. Dat glieke Johr harr he ok de Hööftrull in de Filmprodukschoon Cabin Boy kregen. Wieter weer he na 2000 ok in teihn Episoden vun de Sitcom Alle lieben Raymond to sehn un harr Gastrullen in verschedene annere Sitcom-Regen. Siet 2007 is he ok fakener wedder mit Optreden in de Late Show with David Letterman dorbi.

In Düütschland is Chris Elliott dorgegen vör allen dör sien Filmrullen bekannt, as to’n Bispeel in den Film Groundhog Day ut dat Johr 1993 oder in There’s Something About Mary vun 1998.

Privat is Elliott siet 1986 mit Paula Niedert verheiraat. Se hebbt tohopen twee Kinner.

Filmografie (Utwahl)

Johr	Titel	Synchroonsnacker
1983	Lianna
1984	Hyperspace dt.: Gremlords
1982-85	Late Night with David Letterman
1986	Action Family, Feernsehn
1987	FDR: A One Man Show, Feernsehn
1989	The Abyss dt.: Abyss – Abgrund des Todes	Ulrich Frank
1990-92	Get a Life, Feernsehreeg
1993	Groundhog Day dt.: …und täglich grüßt das Murmeltier	Axel Malzacher
1993	CB4 dt.: CB4 – Die Rapper aus L.A.	Benjamin Völz
1994	Cabin Boy dt.: Schiffsjunge Ahoi!	Axel Malzacher
1994-95	Saturday Night Live, Feernsehreeg
1996	Kingpin dt.: Kingpin – Zwei Trottel auf der Bowlingbahn	Stefan Gossler
1998	There’s Something About Mary dt.: Verrückt nach Mary	Andreas Fröhlich
2000	Snowday dt.: Schneefrei	Kai Taschner
1999-2000	Dilbert, Feernsehreeg	Stefan Krause
2000-01	Cursed, Feernsehreeg
2003-05	Everybody Loves Raymond, Feernsehreeg dt.: Alle lieben Raymond	Dennis Schmidt-Foß
2006	Scary Movie 4
2007	I’ll Believe You
2007-08	Late Show with David Letterman, Feernsehreeg
2008	Christmas Cottage dt.: Das Weihnachtshaus	Sascha Draeger
2009	The Fish Tank, Feernsehn
2009	Dance Flick dt.: Dance Flick – Der allerletzte Tanzfilm	Tobias Meister
2010	Speed-Dating
2009-14	How I Met Your Mother, Feernsehreeg	Gudo Högel
2011-14	Eagleheart, Feernsehreeg
2014	The Rewrite dt.: Wie schreibt man Liebe?	Axel Malzacher
2016	Better Off Single
2017	Frat Star
2017	How to Get Girls
2018	Clara’s Ghost
2015-18	Schitt’s Creek, Feernsehreeg

Utteken

För sien Wark weer Elliott bit hüüt (Stand: Januar 2012) twölf mol för Filmpriesen vörslahn, dorünner ok eenmol för de Goldene Himbeer. He is veermol mit den Primetime Emmy för sien Schrieven un Dorstellen in de Show Late Night with David Letterman in de 19080er Johren.

Böker

Elliott hett twee fikschonale Böker schreven. Daddy’s Boy is en Biografie över dat Opwassen mit en beropenen Vadder, wiel The Shroud of the Thwacker is en histoorschen Roman, de vun en Serienmöörder in New York City vun 1882 hannelt un den bekannten Jack the Ripper-Fall parodeert.

Weblenken

Chris Elliott in de Internet Movie Database (engelsch)