Ferdinand Bruckner

Ferdinand Bruckner (* 26. August 1891 in Sofia, Bulgarien; † 5. Dezember 1958 in Berlin; eegentlich Theodor Tagger) weer en öösterrieksch-düütsch Schriever un Theaterleiter.

Berliner Gedenktafel an’t Huus Kaiserdamm 102, in Berlin-Charlottenburg

Leven

Ferdinand Bruckner, Söhn vun en öösterrieksch Geschäftsmann un en franzöösch Översetterin, verbroch sien Jöögd, nahdem sück sien Öllern trennt harrn, in Wien, Paris un Berlin, wo he en Musik-Studium anfungen hett. 1916 hett he sück aber vun de Musik afwendt un sück de Lyrik widmet. In de folgend Johren hett he en poor Gedichtbände rutegeven un 1917 broch he de Tietschrift Marsyas mit Texten vun Autoren as Alfred Döblin oder Hermann Hesse herut. In dat Johr 1922 hett Bruckner dat Berliner Renaissance-Theater grünnd, un de Leitung 1927 an Gustav Hartung afgeven.

In de Johren 1926 un 1930 keemen de Stücke Krankheit der Jugend un Elisabeth von England ünner dat Pseudonym Ferdinand Bruckner rut. Nahdem he dormit Spood harr, hett he ok sien richtig Naam bekannt geben, de Naam hett he aber eerst 1946 ännert.

1933 muss he nah Paris trecken un schreev dor dat Wark Die Rassen, wat tegen de Nazis weer. 1936 truck he in de USA um, harr dor aber wenig Spood. Eerst twintieg Johr nah sien Flucht ut Düütschland is Bruckner 1953 wedder nah Berlin torüch kommen, wo he deen an dramaturgisch Berader an’t Schillertheater arbeiden dee un 1958 storven is.

Warken

Der Herr in den Nebeln, 1917
Krankheit der Jugend, 1926
Die Verbrecher, 1928
Elisabeth von England, 1930
Timon und das Gold, 1932
Die Rassen, 1933
Simon Bolivar, 1945
Fährten, 1948
Früchte des Nichts, 1949/51
Pyrrhus und Andromache, 1951

Översetten

He hett Death of a Salesman vun Arthur Miller 1949 översett.

Literatur

E. Rieder-Laska, Ferdinand Bruckner. Leben und Werk eines österreichischen Dramatikers, 1959

Ehrungen

1957 Literaturpries vun de Stadt Wien
En Gedenktafel an sien Wahnhuus in Berlin, Kaiserdamm 102.