Desmond Llewelyn

Desmond Wilkinson Llewelyn [ˈdɛzmənd ˈwɪlkɪnsn̩ ləˈwɛlɪn] (* 12. September 1914 in Newport; † 19. Dezember 1999 in Eastbourne) weer en walis’schen Schauspeler, de vör allen dör sien Rull as „Q“ in tallrieke James-Bond-Filmen bekannt worrn is. In de Rull stellt he den Baas vun’t Afdeel vun britischen Geheemdeenst dor, de för de technische Utrüstung tostännig is.

Desmond Llewelyn in’n Juli 1983 bi’t Promoten vun Octopussy in Sweden.

Leven un Wark

Llewelyn weer de Söhn vun en Bargwarksingenieur. Eerst wull he Preester warrn, man wiel sien Schooltiet in’t Internat vun Radley hett he an tallrieke Theaterpradukschonen mitarbeit un fünn Spaaß doran. Bald hett he ok lütte Rullen in Theaterstücken un Filmen annahmen. To Anfang vun’n Tweeten Weltkrieg deen he as Ünneroffizier in de britischen Armee. In’t Johr 1940 is he in Frankriek vun de Düütschen fangennahmen worrn un weer fief Johren lang in Kriegsfangenschop. In’t Oflag IX A/Z harrn de Fungenen en Fluchttunnel graavt. Man, an’n Avend vör de plaanten Flucht, as Llewelyn an’t Arbeiten weer, is he opdeckt worrn un kreeg teihn Daag Isolatschoonshaft.

Na’n Krieg hett Llewelyn sien Theaterloopbahn wieterföhrt. In’t Johr 1963 is he för den tweeten Bond-Film From Russia with Love as Tüüchmeester „Q“ anstellt worrn. In de Johren dorna hett Llewelyn in meist all Bond-Filmen mitspeelt un is dormit een vun de Schauspelers, de an’n fakensten de sülve Filmfigur dorstellt hebbt. Ofschoonst Llewelyn in 17 Bond-Filmen dorbi weer un sien Rull fakener as jede annere Schauspeler in de Filmreeg speelt hett, kummt he liekers blots op ruchweg 30 Minuuten, de he op de Lienwand to sehn is .

Llewelyn hett aver ok in tallrieke annere Filmen mitspeelt, as to(Strange Case of Dr Jekyll and Mr Hyden Bispeel 1981 in en Faten vun Dr. Jekyll un Mr. Hyde.

Doodbleven is Llewelyn an de Naklapp vun en Autounfall, den he in de Grafschop East Sussex harr in de Neeg vun Firle op’n Torüchweg vun en Autogrammstunn harr. He seet sülvst an’t Stüer, as he mit en anner’t Auto frontal tosamenstött is. In’t Krankenhuus vun Eastbourne is he an sien sworen Besehren storven. Bi sien Gräffnis hett Roger Moore, de as eenzige Bond-Dorsteller kamen weer, de Truerreed hollen.

Filmografie (Utwahl)

Johr	Titel	Synchroonsnacker
1939	Campbell of Kilmhor
1950	They Were Not Devided
1950	The Strange Case of Dr. Jekyll and Mr. Hyde, Feernsehn
1960	Sword of Sherwood Forest dt.: Das Schwert des Robin Hood	Paul Wagner
1963	From Russia with Love dt.: Liebesgrüße aus Moskau	Heinz Petruo
1963	Silent Playground dt.: Unheimlicher Spielplatz
1964	Goldfinger	Harald Wolff
1965	Thunderball dt.: Feuerball	Harald Wolff
1967	You Only Live Twice dt.: Man lebt nur zweimal	Kurt Conradi
1969	On Her Majesty’s Secret Service dt.: Im Geheimdienst Ihrer Majestät	Horst Keitel Reinhard Kuhnert (ne’e Szenen)
1971	Diamonds Are Forever dt.: Diamantenfieber	Wilhelm Borchert
1971-73	Follyfoot, Feernsehreeg dt.: Die Follyfoot-Farm	Friedrich Schoenfelder
1974	The Man with the Golden Gun dt.: Der Mann mit dem goldenen Colt
1975	Man in the Zoo, Feernsehn
1977	The Spy Who Loved Me dt.: Der Spion, der mich liebte	Leo Bardischewski
1979	The Golden Lady
1979	Moonraker dt.: Moonraker – Streng geheim	Manfred Schmidt
1980	Dr. Jekyll and Mr. Hyde, Feernsehn
1981	For Your Eyes Only dt.: In tödlicher Mission	Manfred Schmidt
1983	Octopussy	Manfred Schmidt
1985	A View to a Kill dt.: Im Angesicht des Todes	Manfred Schmidt
1987	The Living Daylights dt.: Der Hauch des Todes	Manfred Schmidt
1988	Prisoner of Rio dt.: Gefangen in Rio
1989	Licence to Kill dt.: Lizenz zum Töten	Manfred Schmidt
1993	Merlin
1995	GoldenEye	Manfred Schmidt
1997	Tomorrow Never Dies dt.: Der Morgen stirbt nie	Manfred Schmidt
1999	The World Is Not Enough dt.: Die Welt ist nicht genug	Manfred Schmidt
1999	Die Millennium-Katastrophe – Computer-Crash 2000, Feernsehn

Utteken

Llewelyn is in’t Johr 1997 mit den düütschen DIVA-Award uttekent worrn.

Weblenken

• Desmond Llewelyn in de Internet Movie Database (engelsch)