Crítias

Críties (an griego: Κριτίας; 460 a.C. — 403 a.C.) fui un filósofo nacido an Atenas, tio de Platon i un de ls nembros de l grupo de Trinta Tiranos que gobernórun la cidade, de ls quales era un de ls mais biolentos. Fui filho de Dropidas I i armano de Dropidas II i çcípulo de Sócrates, fato que nun ajudaba Sócrates a tener ua eimaige melhor junto al público. Fui assassinado puls democratas. 460 a.C.Modelo:Morte

Tirania

Quando Lisandro ampós a la Atenas derrotada na Guerra de l Peloponeso que scolhisse trinta atenienses para gobernar la cidade, Terámenes se oupós, alegando que l'acuordo de rendiçon garantie la Atenas la forma de gobierno de ls sous pais, mas Lisandro contra-argumentou que Atenas yá habie rompido l tratado, al demorar an derrubar las muralhas. Cun esso, Atenas scolheu ls trinta, i Terámenes fui un deilhes.

Mas, quando ls trinta ampeçórun a prender ls atenienses ricos acusando-los de rebolucionairos, para eilhes séren eisecutados i sous benes cunfiscados, Terámenes se oupós, i fui cumbocado un cunseilho de ls Trinta. Neste cunseilho, Críties fizo un çcurso acusando Terámenes de trair l gobierno an qu'el fui boluntairo, mas Terámenes cunseguiu se defender. Anton Críties ambiou un bando de suldados amenaçar Terámenes, que fugiu pa l'altar de Héstia cumo suplicante, segundo sues própias palabras, nun para salbar sue bida, mas para que ls sous assassinos se ambolban nun ato d'ampiadade contra ls diuses. Quando Terámenes fui muorto, ls atenienses biran que stában a peligro cula Tirania de ls Trinta.

An Platon

Críties aparece cumo personaige d'alguns diálogos de Platon. Fui ua figura ouscura na stória de Atenas. Ua única passaige , fragmiento dua tragédia de Eurípides, fui l suficiente para sue glória; nesta passaige el spone cumo Dius ye l'ambençon dun sofista, hábil legislador.

Ye assi, you l creio, qu'alguien, l purmeiro,

Persuadiu ls mortales de formar l pensamiento

De qu'eisisten diuses.

(Crítias, B xxv, op. cit., p. 1145-1146)