Нимрод
Нимрод (хебрејски: נמרוד), во некои преводи Неврод — според различни древни текстови била моќна библиска личност опишана првенствено во Танахот. Традиционално се смета за истакнат водач и моќен владетел во Месопотамија, за кој се верува дека владеел во градот Вавилон и другите делови на Стара Асирија. Во книгата Битие, Нимрод е претставен како син на Хуш, правнук на Ное и внук на Хам. Тој е прикажан како вешт ловец и градител на градови, вклучувајќи го и градот Вавилон. Името на Нимрод станало синоним за силен воин или тирански владетел поради неговата честољубива и влијателна природа во древните времиња.[1]
Подоцнежните традиции и толкувања надвор од Библијата додале слоеви на приказната на Нимрод, понекогаш прикажувајќи го како симбол на човечката побуна против божествената власт. Меѓутоа, библиската и вонбиблиската традиција го поврзуваат со изградбата на Вавилонската кула.[2]
И Арапите верувале дека Нимрод е одговорен за урнатините на многу древни градови во Месопотамија.[3] Еден од овие градови, откриен од археолозите во XIX век, е наречен Нимруд по неговото име. Освен тоа, тврдина изградена од Ајубидите на планината Хермон во XIII век станала позната како Тврдината на Нимрод од Друзите од XIX век па наваму.[4]
Библиско сведоштво
[уреди | уреди извор]Првото спомнување на Нимрод се појавува во Табелата на народите, каде што е наведен како син на Хуш, внук на Хам и правнук на Ное. Тој е опишан како „силен човек на земјата“ и „моќен ловец пред Бога“. Овој опис се наоѓа и во Првата книга на Летописите.
Според традицијата, царството на Нимрод започнало во градовите Вавилон, Урук, Акад и Халне во земјата Шинар (која е во Месопотамија).[5]
Наводи
[уреди | уреди извор]- ↑ БИТИЕ 10 | Библија MKB | YouVersion.
- ↑ Stephen L Harris, Understanding the Bible. Palo Alto: Mayfield. 1985.
- ↑ „George Rawlinson. The Five Great Monarchies of the Ancient Eastern World: Vol. I, 2022. — P. 197“. Архивирано од изворникот на 2023-05-28. Посетено на 2023-05-28. Занемарен непознатиот параметар
|deadlink=(се препорачува|url-status=) (help) - ↑ Šārôn, Moše (1997). Corpus Inscriptionum Arabicarum Palaestinae (CIAP) Volume Two: B-C (англиски). BRILL. ISBN 978-90-04-11083-0.
- ↑ Walter Raleigh, History of the World pp. 358-365
Надворешни врски
[уреди | уреди извор] |
„Нимрод“ на Ризницата ? |