Wikipedia:Mampamainan sistem
 | Laman ko marupoan kabijakan rasmi di Wikipedia bahaso Minang. Isinyo alah ditarimo saluruah pangguno dan dianggap sabagai standar nan wajib dipatuhi dek kasadoalah pangguno. |
Mampamainan sistem bamukasuik mamakai kabijakan jo padoman Wikipedia sacaro singajo jo niaik nan indak ikhlas untuak maalangi tacapainyo tujuan Wikipedia. Mampamainan sistem dapek tamasuak panyalahgunoan proses, panyuntiangan nan mangganggu ataupun tindakan nan mailak dari kato nan alah disapakati. Panyuntiang-panyuntiang biasonyo mampamainan sistem untuak manyampaian pandapaik, malanjuikan parang suntiang, ataupun mamakai pandapaik nan barek subalah.
Kok surang panyuntiang alah tasobok celah untuak mailak dari standar atau kabijakan komunitas, hal ko indak dapek dipadiakan. Panguruih paralu maagiah paringatan ka panyuntiang tasabuik sainggo dapek mampeloki kasalahan nan lah dibuek. Namun, kok indak juo diindahan kato-kato paringatan dari panguruih, bakamungkinan panyuntiang tasabuik sabana mampamainan sistem dan dapek ditindak labiah lanjuik sarupo manyakek pangguno tasabuik.
Mukasuik "mampamainan sistem"
suntiangSurang panyuntiang nan mampamainan sistem baniaik untuak manyalahgunoan aturan-aturan jo niaik nan buruak, jo mancari alasan dalam panyatoan-panyatoan nan takanduang dalam kabijakan jo padoman untuak mandukuang tindakan-tindakannyo, nan sabananyo indak didukuang kabijakan jo padoman Wikipedia. Panyuntiang nan mampamainan sistem tu baniaik untuak mamisahan kabijakan jo padoman dari kato sapakaik komunitas jo mancubo mamakai kabjiakan jo padoman tadi sacaro pilah-piliah dari aturan nan ado untuak kapantiangan dirinyo surang.