Urtiënc
I urtiënc (cniders, o per latin: Cnidaria) se spartësc tla grupa dla meduses y la grupa di polyps. Chisc organisms ie furmei da doi strac zelulers (endoderme y ectoderme) danter chei che l po vester na matriza, dita mesoglea o mesenchima. L corp, de simetria radiala de orden pèr (4 o 6), ie n sach scëmpl che engherdëina na cavità gastrica che ie a cuntat cun l esteriëur tres n pore unich che servësc al cuntëmp da bocia y da anus y che ie cunturnà da tentaculi. L sistem nervëus , derivà dal ectoderme ie custituì da n ples zënza furmazion de ganglions no de cervel.