Vriezenveens
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
't Vriezenveens (eige naom Vjens) is 't Nedersaksisch dialek vaan 't Nederlands dörp Vriezenveen (gemeinte Twenterand, provincie Overijssel). 't Is binne de Nedersaksische streektaol 'n uniek dialek, wat neet bij 't Sallands en ouch neet bij 't Twents kin weure ingedeild. Me geit devaan oet tot dit dialek nog väöl in ziech dreug wat 't Twents vreuger had, ietot dit oonder zwoeren invlood vaan de twiede Wesfaalse expansie kaom.
't Dialek weurt veural nog door awwere gesproke. Joonger generaties dialeksprekers gebruke dèkser 't Sallands.
Klaanklier
[bewirk | brón bewèrke]Versjèlle mèt de umringende dialekte zitte veural in de klaanklier. 't Vriezenveens kint 'n opvallende diftongering, wie in 't Gronings/Oosfries en 't Zitterds: neit (tegeneuver Sallands nie(t), Twents neet), goud (Sallands goed, Twents good), gruin (Sallands gruun, Twents greun). Hiel opvallend ouch is de breking wie in waver [wɑvəɻ] ('euver'; tegeneuver Twents oaver [ɒ:vər]) en kjèttel 'ketel' (tegeneuver Twents kettel). Perifeer kinmerke zien de vörming vaan neusklaanke wie bõnd veur band, en de vocalisering vaan de r wie in kaajke 'kèrk' (te vergelieke mèt de Gooise r).
Grammair
[bewirk | brón bewèrke]De grammair vaan 't Vriezenveens liek op die vaan 't oostelek Sallands. 't Gief drei woordgeslachte, die in de lidwäörd dudelek oeterein weure gehawwe. Verkleinwäörd kriege umlaut en indege op -ie (in tegestèlling tot 't Twents -ke(n)).