Brachter staasje (staasje)
- Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Brachs, es te dit dialek sjpriks.
De Brachter staasje (geografische aafkorting Mbt), ouch bekindj es Brach-Lin is 'n veurmalige staasje ane spaorlien: Mestreech-Vènlo (Staotslien E). De staasje van Brach waas geäöpendj van 21 november 1865 toet 15 mei 1938 en van 1 mei 1940 toet 24 november 1940.
Hie stopdje vreuger boemeltreins wo veural luuj oet Brach, Lin en 't naobiegelaege Mofert gebroek van zólle höbbe gemaak.
De vreugere ligking is nag te herkinne aan de 3 spaore die op det baanvlak ligke. Ouch zuut m'n 't aan de straotname Staasjeswaeg, Stationsstraot en Brachterstatie (wo-aan de staasje loog). Daobie liek d'r allewiel min of mieër e 'gaat' in de boemeltreindeensregeling te zitte tösse Remunj en Mestreech/Haerle: nörges op dae lien veurt 'ne boemeltrein zoea lank aan ein stök door es tösse Remunj en Ech (ongevieër tieën menuut).