Stein

Dit artikel is gesjreve (of begós) in 't Steins. Laes hie wie v'r mit de versjillende saorte Limburgs ómgaon.

---

Gemeinte Stein
Provincie	Limburg
Hoofplaats	Stein
Börgemeister (lies)	Marion Leurs-Mordang (lokaal)
Opperflaakde – daovan water	21,15 km² 1,47 km²
Inwoeners – deechde:	25.039 (1-2-2016) 1.184/km²

Stein is 'n plaats en ein gemeinte in zuidelik Nederlands Limburg. De gemeinte haw op 1 februari 2016 25.039 inwoners; 't oppervlak bedreug 22,62 km². De plaats Stein haw in 2014 11.075 inwoners.

De have van Stein weurt op 17 december 1935 in gebruuk genómme.

Kerne

Dörper, gehuchte en buurtsjappe in de gemeinte:

Aelse (Elsloo) (8.851 inwoners) Katsep (Catsop) Terhage (Terhagen) Berg (Berg aan de Maas) (1.907 inwoners) Nattenhaove (Nattenhoven)

Maes (Meers) (980 inwoners) Klein Maes (Kleine Meers) De Maasbendj (Maasband) Velsjuur

Stein (plaats) (11.075 inwoners) De Kaereshei (Kerensheide) Nuujdörp (Nieuwdorp) Uermend of Werment, (Urmond) (5.730 inwoners)

Dialek

Karakteristiek veur 't dialek (Steins) in de gemeinte, o.m. in Stein, Berg aan de Maas en Uermend, is de rollende r. Dit is aevel nog neet zoa lank zoa: róndj 1900 woar ze nog euveral op 't Limburgs platteland te huuëre. Aan d'n angere kèntj laote noe ouch de jóngere in Stein de rollende r valle.

De Brendj van 29 oktwaber 2009

In de nach van 28 op 29 oktwaber 2009 brukt inens 'ne brendj oet in 't Steinse winkelcentrum. Waarsjienlik is de brendj begonne bie 'n Blokkerfiliaal. Al gauw wurt 't vuur grwater en grwater tot dat 't vuur 't gans winkelcentrum in zien mach hei. 'ne Daag later wurt al gauw dudelik dat de sjaaj in de tjèntalle miljoene euro's lik. D'n naeve 't aafgebrende winkelcentrum gelaege flat (De Stevel) bleef gespaard. Anton Barske, d'n burgemeister van Stein, vong de situatie jèl erg en probeerde zwoa snel meugelik nwadwinkels veur de inwoners te regele. Oeteindelik koste dees nwadwinkels pas eind juni 2010 in gebrúúk genomme waere.

Bezeenswaerdig

• Neogotische kèrk mèt Middeljewse tore van mergel gewiejd aan de heilige Maarten (Martinus). In 't interieur zint helsjteine pilere mèt maaskapitele en 'n 13e jewse doupvont te zeen.
• In 't veurmalige buurtsjap De Kerend steit 'n Mariakapel aan de Kapelbergwaeg. Dit gebuuwke stamp oet 1760 en is geboewd van bakstein mèt mergele sjpeklaoge op de plaats van 'n ouwer kapel oet 1400, die gewiejd waor aan de heilige Ricardus. Binne bevingk zich 'n barok altaor oet de 18e jew en 'n communiebank oet de 19e jew.
• Baksjteine Mariakapelke aan Den Hoekstraat oet 't ing van de 19e jew.
• Baksjteine Mariakapel aan de Kelderstraot oet 1929 ter vervanging van 'n ouwer gebuuwke oet de 18e jew. Opvallend is 'ne cylindervörmige ruter mèt kruus op 't daak.
• De Steinerbosj
• De rewien van kesjtjel Stein bie 't oud klwaster.

Zuug ouch

• Stein (geologie)
• Stein (matterjaal)

Externe link

• Website van de gemeinte

Referentie

50° 58' 04.45" N 5° 45'54.75" O