50PLUS

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.

50PLUS (50+) is 'n Nederlandse politieke partei vuur ouwer luuj. De partei woeëd in 2009 ópgerich ónger d'r naam Onafhankelijke Ouderen en Kinderen Unie (OOKU). Ze doog nog neet mit aa de Twieëde Kamerverkezinge van 2010. In d'r herfs van dat joar woeëd d'r naam verangerd noa 50PLUS, zoeëwie de partei noe heesj. 50PLUS zit in 't midde van 't politieke spectrum. De partei is óp Europees niveau óngerdeel van de EDP.

De partie houw in 2024 1.515 lede. D'r fractievuurzitter is Willem Dekker.

Sjtankpunte

Wie d'r naam al aagieëf, kumt 50PLUS in 't bezónger óp vuur de belange va luuj va vieftig joar en ouwer. Dit vertaalt zich nao höär sjtankpunte in versjillende verkezingsprogramme. Hei-oet bliek ooch dat de partei óp sociaal-economisch vlaak vuural linkse kenmerke hat en zich aasjlut bei anger parteie binne de sociaaldemocratie (focus óp zörg, pensionering, oetkiering en teëgegoa va leëftiedsdiscriminatie).

Zoeë wilt de partei d'r AOW-leëftied óp 65 joare haote, de reëkerente vuur pensioene vaszette op 4%, de sociaal laste beperke vuur werknummesj van aoder es 45 joar, oetkieringe vuur werkloze behaote, 'n verlieëging van de belastinge vuur gepensioneerde en 'n hervörming van de zörg, oane maatwerking.

50PLUS is vuursjtander van Europese samewirking, ónger anger óp 't gebeed van defensie en d'r aanpak va georganiseerde criminaliteet.

Verkezingsrizzeltate

50PLUS doog in 2012 't vuur 't ieësj mit aan de Twieëde Kamerverkezinge en holde doe twieë zedele. Bei de Twieëde Kamerverkezinge van 2017 holde de partei veer zedele. In 2019 holde de partei höar beste rizzeltate bei de Europese verkezinge, provinciaal verkezinge en vuur de Ieësjte Kamer. Doanoa noom 't electoraal sukses behuurlig aaf, ónger mieë durch de intern conflikte.

Twieëde Kamer

Joar	Liestrekker	Sjtumme	%	Zedele
2012	Henk Krol	177.631	1,88	2 / 150
2017	Henk Krol	327.131	3,11	4 / 150
2021	Liane den Haan	106.702	1,02	1 / 150
2023	Gerard van Hooft	51.043	0,49	0 / 150

Ieësjte Kamer

Joar	Liestrekker	Sjtumme	%	Zedele
2011	Jan Nagel	2.193	1,32	1 / 75
2015	Jan Nagel	4.388	2,60	2 / 75
2019	Martin van Rooijen	5.251	3,03	2 / 75
2023	Martin van Rooijen	3.264	1,82	2 / 75

Europees parlement

Joar	Liestrekker	Sjtumme	%	Zedele
2014	Toine Manders	175.343	3,69	0 / 26
2019	Toine Manders	215.199	3,91	1 / 26 (29)
2023	Adriana Hernández Martínez	58.498	0,94	0 / 31

Provinciale Staten

Provincie	Zedele i 2011	Zedele i 2015	Zedele i 2019	Zedele i 2023
Groninge	0 / 43	0 / 43	1 / 43	0 / 43
Friesland	0 / 43	1 / 43	1 / 43	0 / 43
Drenthe	0 / 41	1 / 41	1 / 41	0 / 43
Uueveriessel	0 / 47	1 / 47	1 / 47	0 / 47
Flevoland	1 / 39	2 / 41	2 / 41	1 / 41
Gelderland	1 / 55	1 / 55	2 / 55	1 / 55
Utrech	1 / 47	1 / 49	1 / 49	1 / 49
Noord-Holland	1 / 55	1 / 55	1 / 55	2 / 55
Zuud-Holland	1 / 55	2 / 55	2 / 55	1 / 55
Zieëland	0 / 39	1 / 39	2 / 39	0 / 39
Noord-Broabant	1 / 55	2 / 55	2 / 55	1 / 55
Hollendsj Limburg	2 / 47	1 / 47	1 / 47	1 / 47
Nederland	9 / 566	14 / 570	17 / 570	8 / 572