Ministère d'État

Ministère d'État
Ministère d'État
Staatsministère
Land	Lëtzebuerg
Minister	Luc Frieden
Verwaltungssëtz	Lëtzebuerg
Adress	2, place de Clairefontaine L-1341 Lëtzebuerg
Ënnersteet der/dem	Lëtzebuerger Regierung
Gegrënnt	1857
Um Spaweck	https://me.gouvernement.lu/

Dësen Artikel beschäftegt sech mat lëtzebuergesche Ministère d'État. Fir aner Bedeitungen, kuckt wgl. Ministère d'État (Homonymie).

De Staatsministère (fr: Ministère d'État, gekierzt ME) zu Lëtzebuerg, ass e Ministère dee vum Premierminister (och nach Staatsminister) geleet. E koordinéiert déi alldeeglech Geschäfter vun der Lëtzebuerger Regierung a garantéiert d'Eenegkeet vun de Prinzippien déi an de verschiddenen Deeler vum Staat applizéiert ginn^[1].

Allgemenges

De Premierminister huet d'Presidence iwwer de Regierungsrot. Bei enger Stëmmegläichheet am Regierungsrot ass seng Stëmm ausschlaggeebend. An extrem dréngende Fäll kann hien eng Decisioun huelen, déi eigentlech an der Kompetenz vum Regierungsrot läit. Hie muss de Regierungsrot an deem Fall an der nächster Sëtzung doriwwer an d'Bild setzen.

Kompetenz vum Staatsministère

D'Servicer a Verwaltungen déi ënnert d'Kompetenz vum Staatsministère falen, sinn am interne Reglement vun der Regierung festgehalen^[2]. Dozou gehéieren ë. a.:

Allgemenges

Presidence a Generalsekretariat vun der Regierung
d'institutionell Relatioune mam Grand-Duc, der Chamber an dem Staatsrot
de Wirtschafts- a Sozialrot
d'Mënscherechtskommissioun
de Comité pour la mémoire de la Deuxième guerre mondiale
d'Relatiounen tëscht dem Staat an de reliéise Communautéiten
d'Bezéiunge mat der Zentralbank, an Zesummenaarbecht mam Finanzminister
d'Œuvre nationale Grand-Duchesse Charlotte
Héije Kommissariat fir national Sécherheet
Staatlechen Informatiouns- a Pressedéngscht, deen d'Medien an d'Ëffentlechkeet iwwer d'Aktivitéite vun der Regierung informéiert
national Gielercher
ëffentlech Zeremonien
Chamberwalen, Wale fir d'Europäescht Parlament; Referendumen
Kommissioun fir den Zougang op Dokumenter
Kommissioun fir Wirtschaft a Rationaliséierung
Konferenzzentrum vun der Regierung am Sennenger Schlass
alles wat d'Staatssécherheet ugeet, wéi zum Beispill den , de Noriichtendéngscht, de Cybersecurity Board an de Computer Emergency Response Team.

Medien a Kommunikatioun

De Service fir Kommunikatioun a Medien huet d'Responsabilitéit vum Minister fir Kommunikatioun a Medien, a këmmert sech em d'Medien, de Weltraum, elektronesch Kommunikatiounen a Postservicer grad wéi ëm den Dateschutz.

Departement fir Medien, Connectivitéit an digitalen Agenda
Medien: Entwécklung vun audiovisuellen Aktivitéiten; geschriwwe Press; audiovisuell Medien; Radio, Internet, Presserot; audiovisuell Produktioun; Kommissariat bei der CLT-UFA; Média de service public 100,7; Informatiounsgesellschaft
Weltraum: Lëtzebuergesch Satellittesystemer; SES; Kommissariat bei der SES
Connectivitéit: Politik vun den elektronesche Kommunikatiounsnetzwierker a -servicer; EU-Telekommunikatiounsrot; LuxConnect (zesumme mam Minister fir Digitaliséierung), MyConnectivity GIE; Radiokommunikatioun, Postsdéngschter
Nationaalt integréiert Funknetz (RENITA); reglementéierten ëffentlechen Déngscht vum globale Satellittennavigatiounssystem aus dem Galileo-Programm
Digitalpolitik: reglementaresche Kader fir nei Technologien (z. B. kënschtlech Intelligenz); - Dateschutz; Datenpolitik; digital Rechter; Koordinatioun vun der Politik am Beräich vun der kënschtlecher Intelligenz (an Zesummenaarbecht mam Minister fir Digitaliséierung, dem Héichschoulministère an dem Wirtschaftsministère)

Relatioune mat der Autorité luxembourgeoise indépendante de l'audiovisuel (ALIA), der Commission nationale pour la protection des données (CNPD) an dem Institut luxembourgeois de régulation (ILR)

Relatioune mat der Chamber

Relatioune mat der Chamber; Koordinatioun tëscht der parlamentarescher an der Regierungsaarbecht
Zentrale Legislatiounsservice, deen den institutionelle Lien tëscht der Regierung, der Chamber an dem Staatsrot assuréiert an och fir d'Publikatioun vum Journal Officiel (Mémorial) responsabel ass

Kuckt och

Um Spaweck

Commons: Ministère d'État – Biller, Videoen oder Audiodateien

De Ministère op gouvernement.lu, der Websäit vun der Regierung

Referenzen an Notten

↑ « Règlement interne du Gouvernement » adopté par le Gouvernement en conseil en date du 27 novembre 2023. Art. 8 « Le Premier ministre coordonne l’action du Gouvernement et veille au maintien de l’unité de l’action gouvernementale. Il dirige le Ministère d’État. ». legilux.public.lu (09.07.1857). Gekuckt de(n) 29.11.2023.
↑ Constitution des Ministères am Arrêté grand-ducal du 27 novembre 2023 portant approbation et publication du règlement interne du Gouvernement.

[1] « Règlement interne du Gouvernement » adopté par le Gouvernement en conseil en date du 27 novembre 2023. Art. 8 « Le Premier ministre coordonne l’action du Gouvernement et veille au maintien de l’unité de l’action gouvernementale. Il dirige le Ministère d’État. ». legilux.public.lu (09.07.1857). Gekuckt de(n) 29.11.2023.

[2] Constitution des Ministères am Arrêté grand-ducal du 27 novembre 2023 portant approbation et publication du règlement interne du Gouvernement.

[1]

[2]

k d ä Ministèren zu Lëtzebuerg
Aktuell Ministèren	Aarbecht Auswäerteg an europäesch Ugeleeënheeten, Verdeedegung, Entwécklungszesummenaarbecht an Aussenhandel Digitaliséierung Educatioun, Kanner a Jugend Ëmwelt, Klima a Biodiversitéit Famill, Solidaritéit, Zesummeliewen an Accueil Finanzen Fonction publique Fuerschung an Héichschoul Gesondheet a sozial Sécherheet Gläichstellung an Diversitéit Inneministère Justiz Kultur Landwirtschaft, Ernärung a Wäibau Mobilitéit an ëffentlech Aarbechten Sport Staatsministère Wirtschaft Wunnengsbau a Landesplanung
Fréier Ministèren	Landwirtschaft, Wäibau a ländlech Entwécklung Gläichstellung tëschent Fraen a Männer Energie a Landesplanung Famill, Integratioun an d'Groussregioun Konsumenteschutz Bannenzeg Sécherheet Sozial Sécherheet Aussen- an Europaministère Wunnengsbau
Kuckt och	Staatschef Regierung Chamber Staatsrot
Um Spaweck	Constitution des Ministères am Arrêté grand-ducal du 27 novembre 2023 portant approbation et publication du règlement interne du Gouvernement.