Sassanidae

Sassanidae ab anno 224 usque ad 651 regnum in Irania tenuerunt, ab eis Regnum Sassanidarum appellatum. Eo anno rex ultimus Sassanida, Isdegerdes III, post bellum quattuordecim annorum, ab Islamicis Saracenis victus est.

Aetas Sassanidarum principium verum habuit anno 228, cum Artaxares I regnum Parthorum, quod regionem saecula dominaverat, debellavit. Ipse et successores magnum imperium omnes terras comprehendens Imperii Achaemenii inter Euphraten fluvium et ortum solis. Diu gestiebant imperium vetus totum denuo unire, qua de causa saepe bella cum Imperio Romano et (quod dicitur) Byzantino gerebant.

Quod Chosroes II brevi tempore patravit, inter bella cum Imperio Byzantino annorum 602 usque ad 616, Aegypti, Syriae et Palaestinae armis potitus. Sed imperator Heraclius eos repugnavit, audaciter ipsam Persiam invadens. Anno 628 Chosroes exercitu Heraclii ad portas obsidente de regno depositus est. Inter insequentem pacem, Sassanii se in fines suos translaticios receperunt.

Utrisque diuturno bello confectis, Sassanidae a religione gliscente Islamica brevi post sublati sunt..

Reges Sassanidae

Artaxares I (sive Artaxerxes) ab anno 224 usque ad 241
Sapores I ab anno 241 usque ad 272
Hormisdas I ab anno 272 usque ad 273
Vararanes I ab anno 273 usque ad 276
Vararanes II, sive "Vararaces" ab anno 276 usque ad 293
Vararanes III anno 293
Narses ab anno 293 usque ad 302
Hormisdas II ab anno 302 usque ad 310
Sapores II ab anno 310 usque ad 379
Artaxares II ab anno 379 usque ad 383
Sapores III ab anno 383 usque ad 388
Vararanes IV ab anno 388 usque ad 399
Isdegerdes I ab anno 399 usque ad 420
Vararanes V ab anno 420 usque ad 438
Isdegerdes II ab anno 438 usque ad 457
Hormisdas III ab anno 457 usque ad 459
Perozes I ab anno 457 usque ad 484
Balas ab anno 484 usque ad 488
Cabades I ab anno 488 usque ad 531
- Zames ab anno 496 usque ad 498
Chosroes I vel Cosdroes I ab anno 531 usque ad 579
Hormisdas IV ab anno 579 usque ad 590
Chosroes II vel Cosdroes II ab anno 590 usque ad 628
- Vararanes VI ab anno 590 usque ad 591
- Bistam ab anno 591 usque ad 592
- Hormisdas V anno 593
Cabades II Siroes anno 628
Artaxares III ab anno 628 usque ad 630
- Perozes II anno 629
Sarbarazas anno 630
Borane et al. ab anno 630 usque ad 631
Hormisdas VI aut V ab anno 631 usque ad 632
Isdegerdes III ab anno 632 usque ad 651

Nexus interni