Cyathea dealbata

Inferius frontis latus et digiti humani

Plantae — Pteridophyta

Classis : Pteridopsida
Ordo : Cyatheales
Familia : Cyatheaceae
Genus : Cyathea
Subgenus : Cyathea
Sectio : Alsophila
Species : C. dealbata

Cyathea dealbata
(G. Forster) Sw.

Synonyma

*Polypodium dealbatum G. Forster, 1786

Cyathea tricolor Colenso, 1883
Alsophila tricolor (Colenso) Tryon, 1970

Cyathea dealbata (Maorice: kaponga et ponga), vulgo pteridophytum argenteum (Anglice: silver fern), est species cyathealium staturae mediae, in Nova Zelandia endemica,^[1] ubi ea est commune civitatis culturaeque signum, inter gentes externas et ab ipso populo Novae Zelandiae.^[2]

Hoc pteridophytum ad 10 m altum vel plus crescit, quamquam ei aliquando est forma serpens. Corona est densa, et frontes circa 4 m longi crescere solent, colore argenteo in lateribus inferioribus. Ob hunc colorem proprium, homines frontes ad expediendam ambulationem nocturnam tramitibus imponunt. Squamae sunt brunneae, saepe tortae et nitidae.^[3]

Planta in Novam Zelandiam aevo Pliocaeno (abhinc circa annorum 5–1.8 milliones) advenit.^[4] Ea nunc in praecipuis Novae Zelandiae insulis et in Insulis Chatham ad orientem habitat, plerumque in regionibus sub tenue silvarum sicciorum aulaeo et in scrub aperto. Viget in humo bene siccato, et statuta circumiectus sicciores tolerat. Sub denso silvarum maturarum aulaeo non augetur.

In cultura

Cyathea dealbata in operibus lacteis diu adhibetur, et signum publicum anno 1885 facta est.
Planta est signum multarum societatum, sicut OnTrack (quae infrastructuram ferriviariam possidet), et Silver Fern est nomen vehiculi ferriviarii.
Signum koru, in arte Maoriana adhibitum, a forma iuvenis frontis pteridophyti argentei subicitur.
Frontes Cyatheae dealbatae in sigillo Novae Zelandiae adsunt.
In opinione multorum hominum Novae Zelandiae, compunctio Cyatheae dealbatae fidem civitati confirmat.
Aliquae "alternativa" vexilla pro Nova Zelandia, praecipue vexillum pteridophyti argentei, Cyathea dealbatam ostentant.
Cyathea dealbata in civili ratione rebusque impressis late adhibetur, sicut signum Factionis Progressivae Novae Zelandiae.

Summatim, hoc pteridophytum fit unum ex notissimis Novae Zelandiae signis, post Apterygem, quamquam revera non est signum civitatis rite ascitum.^[2]

Manus athletici quibus Cyathea dealbata est signum

All Blacks (harpastum)
Silver Ferns (pila retialis, Anglice netball)
All Whites (pediludium)
Tall Blacks (canistripila)
White Ferns (criccetius mulierum)
Black Caps (criccetius virorum)
Black Ferns (harpastum mulierum)
Black Sox (pila mollis, Anglice softball)
Black Sticks Men & Black Sticks Women (hocceium campestre, Anglice field hockey)

Notae

↑ Vocabulum Maorianum ponga in Anglica Novae Zelandiae sermone fit generale cyathealium nomen. Etiam ad ligna cyathealium spectat.
↑ ^2.0 ^2.1 "Government and nation - National animal and flower". Te Ara Encyclopedia of New Zealand. 3 March 2009 .
↑ Large, M. F.; Braggins, J. F. (2004). Tree Ferns. Timber Press, Inc.. pp. 120–121. ISBN 0-88192-630-2 .
↑ Parsons, Stuart; et al. (2006). Biology Aotearoa. Pearson Education New Zealand. ISBN 1 877268 00 3 .

Nexus externi

Vicimedia Communia plura habent quae ad Cyatheam dealbatam spectant (Cyathea dealbata, Alsophila tricolor).

Situs scientifici: • ITIS • NCBI • Biodiversity • Plant Name Index

[1] Vocabulum Maorianum ponga in Anglica Novae Zelandiae sermone fit generale cyathealium nomen. Etiam ad ligna cyathealium spectat.

[TEARAANIMAL-2] 2.0 ^2.1 "Government and nation - National animal and flower". Te Ara Encyclopedia of New Zealand. 3 March 2009 .

[large2004-3] Large, M. F.; Braggins, J. F. (2004). Tree Ferns. Timber Press, Inc.. pp. 120–121. ISBN 0-88192-630-2 .

[4] Parsons, Stuart; et al. (2006). Biology Aotearoa. Pearson Education New Zealand. ISBN 1 877268 00 3 .

[1]

[2]

[3]

[4]