Atlas (mythologia)

Vide etiam paginam discretivam: Atlas.

Statua marmorea Atlantis. Copia Romana saeculi secundi.

Atlas (-ntis, m.) in mythologia Graeca fuit ex numero Titanum, filius Titanis Iapeti et Oceanidis Clymenes^[1]. Nonnumquam etiam Themis ut mater nominatur. Fratres erant Menoetius, Prometheus^[2] et Epimetheus. Atlas pater fuit Pleiadum, Hyadum et Hesperidum quae et Atlantiades nominantur; pater fuit et deae Calypsús.

Atlas cum aliis Titanibus in deos rebellans a Iove damnatus est ut caelum vastum suis umeris ad aeternum ferret^[3]. Perseus ope capitis Gorgonis Medusae Atlantem in montem Atlantem mutavit.

Notae

↑ Hesiodus, Theogonia 508-10.
↑ Aeschylus, Prometheus vinctus 347-350.
↑ Hesiodus, Theogonia 517-20.

Alia coepta Vici

Vicimedia Communia plura habent quae ad Atlantem spectant.

Nexus externi

Imagines Atlantis in Musaeo Iconographico Warburgiano

[1] Hesiodus, Theogonia 508-10.

[2] Aeschylus, Prometheus vinctus 347-350.

[3] Hesiodus, Theogonia 517-20.

[1]

[2]

[3]