Fontem paginae Modus articulandi inspicere

== De gradibus stricturae ==
[[Fasciculus:Palatoalveolar fricative.png|thumb|Fricativa postalveolaris [ʃ] ]]
Flumen aëris e pulmonibus emissum in [[Meatus vocis|meatu vocis]] quoddam aëris corpus est, quod articulatris in variis locis aut plene aut partim constringitur ita ut mutationes quaedam vocis efficiantur. Consonantium qualitates stricturae gradibus definiuntur. Strictura plena sive ''clausura'' [[Consonans muta|consonantes mutas]], sicut [p] et [b], efficit.<ref>Itaque mutae interdum etiam ''clusiles'' et ''occlusivae'' appellantur.</ref> Sin autem flumen aëris non plene sed satis occluditur ad sonum velut fricantem producendum, de [[Consonans fricativa|consonantibus fricativis]], sicut [f], agitur. Si vero flumen aëris, licet paullulum constringatur, paene expedite meat, de [[Semivocalis|semivocalibus]], sicut [w], et [[Consonans lateralis|consonantibus lateralibus]], sicut [l], agitur, quae coniunctim [[Consonans approximans|approximantium]] classem faciunt. Si denique flumen aëris in meatu vocali nullis angustiis constringitur, aperturam plenam habemus, quae [[Vocalis|vocalium]] propria est.