Kristonedh

Kristonedh yw kryjyans posek y'n bys ma, gans moy ages diw vil vilvil a gryjygyon. An Drynses yw dyskas chif Kristonedh: henn yw, yma Duw unnik gans tri ferson – Dyw an Tas, Yesu Krist, ha'n Spyrys Sans. Yma lies eglos kristyon; an moyha anedha yw an Eglos Katholik Romanek. Kristonedh yw kryjyans an brassa niver a dus yn Europa, Amerika, Afrika Is-Sahara, Ostralasi, ha'n Filipinys.

Kepar ha kryjyans Yedhoweth hag Islam, Kristonedh yw fay unndywyel a linyeth Abrahamek.

An Pader yw an gologhas aswonys yn kwell gans Kristonyon. Lyver sans a Gristonyon oll yw an Bibel; yma lyvrow aral degemeres avel skriptor gans nebes bagasow kristyon, r.e. Lyver Mormon gans eseli Eglos Yesu Krist a Sens Dhiwedhes.