Bara

Restren:Assorted bread.jpg, Home made sour dough bread.jpg, Baguettes - stonesoup.jpg, Ruisleipä-limppu reikäleipä reissumies hapankorppu-1.JPG
Ensampel a	type of food or dish
Klass	staple food, baked good
Dalleth/Fondya	30 millennium BC
Synsys ynno/i	bleus, dowr
Restrennow kelmys war Gemmyn Wikimedia

Bara ha bara byghan yn popti

Eghennow dyffrans a vara

Baramanyn

Bara krasys

Bara leun servys gans amanyn hag oyow

Sort a voos pebys yw bara. An chif devnydh yw toos, gwrys dre vras dhyworth bleus ha dowr. Dell yw usys, keworrys yw holan ha burm. Yn fenowgh pebys yw bara yn forn. Y hyiir y brena a-derdro'n bys.

Y hyllir krasa bara po y usya dhe wul baramanyn (breghdanow). Pitsa yw boos selys war vara. Yma lies eghen a vara.

An dhew chif sort a vara yw:

1. Bara gwel yw gwrys dre geworra burm po mayn gwel aral dhe'n toos. An burm a askor gass may hwra an toos bos skaffa. Bara gwel a yll bos gwrys dhe dorthow moy pebys yn forn. Hemm yw an chif sort a vara yn Europa, an Statys Unys ha lies rann a Asi.
2. Bara heb gwel yw gwrys dhyworth toos a dhowr ha bleus, heb burm. Pebys yw yn shapys rond kepar ha tortilla po chapati. Ny yllir gul an sort ma a vara mar dew drefen y vos re dhoos dhe'y dhybri. Dybrys yw bara heb gwel yn Pow Grek, Afrika, rannow Asi hag Amerika Kres. Ensamplow a gomprhend bara pita ha tortilla. Pebys yns i war ven pobas po chofar, po yn forn.

Liw ha blas an bara a greg war an sort a vleus usys ha gis an pobas. Bara gwrys dhyworth an greun kowal a wra bara tewlla. Bleus gwrys dhyworth greun gwaneth polsys a wra bara pur wynn. Bleus sugal ha barlys a re eghennow tewlla a vara. An sort a vleus a janj an termyn may hallo gwitha an bara kyns ev dhe bedri. Nebes eghennow a waneth a worthsav fong, mes martesen na askorro bara mar vlasus hag eghen wanna.

Bara kryjyk

Kristonedh ha Yedhoweth a's teves rewlys yn kever an devnydh a vara yn aga kryjyansow. Dybrys yw bar heb gwel (matzo) gans Edhewon dres aga Fask. Solempnyans Katholek oferen Korf Krist a us waffers heb gwel.

Difennys yw devnydh bara heb gwel rag oferen an Testament Koth gans eglosyow Ewngryjyk ha gesys yw an devnydh a vara gwel saw avel arwodh a'n Testament Nowydh. Hemm o onan a dri foynt kedrynn a gawsyas an fols ynter eglosyow Ewngryjyk ha Katholek yn 1054.

Lavarow gwerin

• Den gen bara heb ken ny ra bewa y vewnans oll - Man cannot live by bread alone
• Mar ny rewgh whei cara blas a vara nowydh, omwitha 'mes a’n popty - If you don’t like the heat, keep out of the kitchen

Eghennow a vara

• 
  Bagel
• 
  Baguette
• 
  Croissant
• 
  Injera
• 
  Khachapuri
• 
  Lavash
• 
  Markouk
• 
  Matzo
• 
  Naan
• 
  Biscuit (Statys Unys)
• 
  Pita
• 
  Pitsa
• 
  Pretzel
• 
  Bara ris
• 
  Roti
• 
  Bara sugal
• 
  Skonsen
• 
  Bara skyllys
• 
  Bara leun
• 
  Barmbrack
• 
  Waffel
• 
  Brioche
• 
  Torth bennti
• 
  Krampoth
• 
  Bara taboon

Bara a wari rann bosek a vewnans yn lies pow drefen y vos dybrys gans keniver a dus. Yn lies gonisogeth, bara yw mar bosek dell yw rann a dhevosow kryjyk. Gwrys yw tesennow yn fordh haval dhe vara, mes sugra, blonek ha leth (hag yn fenowgh moy a dhevnydhyow) yw keworrys dhe'n toos.

Onan a'n mil erthygel posekka war Wikipedya yw an erthygel ma.