Павильон

Павильон (фр. pavillon -шатыр)

1. архитектураның шағын түрлеріне жататын оқшау тұрған ғимарат. Ежелгі Шығыс елдеріндегі ғибадатханалар мен сарайлардың дені павильон үлгісінде тұрғызылды. Павильон Англия мен Франция (17 - 18 ғ.), Ресейде (18 ғ. мен 19 ғасырдың 1-ширегі) сарай ансамблі, сондай-ақ, парк құрылысының құрамды бөлігіне айналды;
2. ірі ғимараттың бір бөлігі. Көбіне жеке шатырмен жабылды;
3. көрме экспозициясына, кино түсіруге, кейде сауда-саттыққа арналған тұрақты, уақытша құрылыс;
4. ғимарат интерьерін бейнелейтін театр декорациясы. Сахнада тұңғыш рет 1974 ж. неміс актері әрі режиссері Ф.Л. Шредер қолданды. Декорация павильонын қолдану әсіресе түр-мыстық және психол. драмаларды қоюмен байланысты кең өріс алды.