Карлос Тевес

	Карлос Альберто Мартинес Тевес
Жалпы мағлұмат
Туған күні	5 ақпан 1984 (40 жас)
Азаматтығы	Аргентина
Бойы	171
Салмағы	80
Позиция	шабуылшы
Клуб жайлы ақпарат
Клуб	Бока Хуниорс
Номері	32
Клуб карьерасы
Клуб карьерасы
Ұлттық құрамы
	↑ Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады. ; ↑ Ресми матчтарда ұлттық құрамда болған ойындары мен голдар саны. ;
	Бұл үлгіні: көру • талқылау • өңдеу

Карлос Альберто Мартинес Тевес (ис. Carlos Alberto Martínez Tévez; 5 ақпан 1984, Буэнос-Айрес) — аргентиналық футболшы, шабуылшы. 2004 жылғы Жазғы Олимпиада чемпионы.

Карьерасы

Клубтық

Кәсіпқой карьерасын 2001 жылы 16 жасында "Бока Хуниорс" сапында бастады. 2001 жылы 21 қазан күні "Тальерес" клубына қарсы тұңғыш рет алаңға шықты. Клуб сапында Тевес көптеген жүлделерге қол жеткізді.

2004 жылы желтоқсан айында "Коринтианспен" келісім шарт жасасты. Клубқа тез бой үйреткен Тевес көп ұзамай клубтың капитаны да болады. 2005 жылғы маусым қорытындысында Бразилия чемпионы атанды.

Еуропада ойнағысы келген Тевес 2006 жылы тамызда көптеген гранд клубтардың шақырғанына қарамастан, Англияның ортанқол "Вест Хэм Юнайтед" клубына ауысады. 2006/07 жылғы маусым басында "Вест Хэм" бірнеше матчта жеңіліске ұшырайды да, Аргентина құрамасының бапкері Альфио Басиле Тевеске бұл клубтан кетіп, мықтылау командаға баруға кеңес береді. Маусым соңында клуб премьер-лигадағы орнын әзер сақтап қалады да, Тевес енді "Манчестер Юнайтедке" баруға шешім қабылдайды. Бірақ Тевестің жаңа клубқа ауысуы оңай болмайды, шабуылшыны жібергісі келмеген лондондықтар футболшыны тіркеуден шығаруға асықпайды. Бәрібір 10 тамыз күні ресми түрде "Манчестер Юнайтед" футболшысы атанады.

2007/08 жылдың соңында клуб УЕФА Чемпиондар лигасының жеңімпазы атанады, Тевес Мәскеуде өткен финалдық матчта "Челсиге" қарсы алаңға шығып, алаңға шығып, матчтан соңғы пенальтилер сериясында өз кезегінде мүлт кетпейді.

2009 жылы жазда тағы бір манчестерлік клуб "Манчестер Ситиге" ауысады. 2010/11 жылғы маусымда клуб капитаны боп тағайындалды.

2013 жылы 26 маусымда "Ювентуске" ауысты. Клубта оған әйгілі Алессандро Дель Пьеро ойнаған 10-нөмір берілді. 2015 жылы клубтан кеткенше алаңға тұрақты түрде шығып отырды, екі рет Италия чемпионы атанды.

2015 жылы маусым айында туған клубы "Бока Хуниорсқа" оралды. 13 шілдеде Тевесті таныстыру салтанаты өтіп, оған 40 мың жанкүйер жиналды.

Ұлттық құрама

Тевес 2004 жылғы Жазғы олимпиада ойындарында жеңімпаз атанған соң көп ұзамай ұлттық құрамаға шақырту алды. 2006 жылғы әлем чемпионатына қатысып, екінші турда Сербя және Черногорияның қақпасына бір гол соқты (6:0).

2010 жылғы әлем чемпионатының 1/8 финалында Мексиканың қақпасына екі гол соқты.

2015 жылғы Америка кубогынан соң құрамадағы карьерасын аяқтады.

Ерте жылдар

Карлос Альберто Тевес (туған Карлос Альберто Мартинес) Хуан Альберто Кабрал мен Фабиана "Трина" Мартинестің отбасында Сьюдадела ауданындағы кедей отбасында дүниеге келген. 6 айлық жасында анасы отбасын тастап, әкесі жалғыз қалды. Карлос 6 жасында әкесі 23 оқ алып өлтірілді. Карлостан басқа отбасында ұлы да болды, Хуан Альберто Мартинес, және қызы Патрисия Мартинес. Әкесі қайтыс болғаннан кейін Карлосты оның тәтесі Адриана Ноеми Мартинес және оның күйеуі Сегундо Раймундо Тевес асырап алды. Олар мұны өте кедей болғанына қарамастан жасады; олардың төрт баласы болды — Дебора Хиселл, Диего Даниэль, Мигель Анхель және Рикардо Ариэль.

Оның балалық шағы Буэнос-Айрестегі ең қолайсыз және қылмыстық қала маңындағы "Эхерсито де лос Андес", "Фуэрте Апаче"деген атпен танымал болды. Ауданның бұл лақап аты Пол Ньюменнің "Форт Апаче, Бронкс" фильмінің атауынан шыққан. Осы жерден Карлос "Апач" деген лақап атқа ие болды. Оның таңдауы, футболы немесе қылмысы болды; Тевес біріншісін таңдады, кейінірек бұл спорт оны құтқарды деп айтты

Жетістіктері

Командалық

Бока Хуниорс

Аргентина чемпионы (2): Апертура 2003, 2015
Аргентина кубогы: 2014/15
Либертадорес кубогы: 2003
Оңтүстік Америка кубогы: 2004
Құрлықаралық кубок: 2003

Коринтианс

Бразилия чемпионы: 2005

Манчестер Юнайтед

Англия чемпионы (2): 2007/08, 2008/09
Лига кубогы: 2009
Чемпиондар лигасы: 2008
Англия суперкубогы: 2008
Клубтар әлем чемпионаты: 2008

Манчестер Сити

Англия чемпионы: 2011/12
Англия кубогы: 2011
Англия суперкубогы: 2012

Ювентус

Италия чемпионы (2): 2013/14, 2014/15
Италия кубогы: 2015
Италия суперкубогы: 2013

Халықаралық

Аргентина

Олимпиада чемпионы: 2004
Оңтүстік Америка чемпионы (U-20): 2003
Конфедерациялар кубогының финалисі: 2005
Америка кубогының финалисі (2): 2004, 2007

Жеке

Оңтүстік Американың үздік футболшысы: 2003, 2004, 2005
Аргентинадағы жыл футболшысы: 2003, 2004
Аргентинаның үздік спортшысы: 2004
"Вест Хэм Юнайтедтің" үздік ойыншысы: 2007
"Ювентустың" үздік ойыншысы: 2014
Италиядағы жыл футболшысы: 2015

Дереккөздер

Сілтемелер

Ағылшын Премьер Лигасындағы мәліметтері Мұрағатталған 27 қыркүйектің 2011 жылы.

[club-3] Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.

[national-4] Ресми матчтарда ұлттық құрамда болған ойындары мен голдар саны.

[1] ttp://www.bocajuniors.com.ar/el-club/plantel-futbol?jugador=carlos-tevez

[2] ttp://www.bocajuniors.com.ar/el-club/plantel-futbol?jugador=carlos-tevez

[1]

[2]

[* 1]

[* 2]