Wikipedia:Shala maqalalar
 | Bul bet Qaraqalpaqsha Wikipedia maqalalarınıń mazmunın tártipke salıwshı qollanbalardıń bir bólegi bolıp tabıladı. Paydalanıwshılardan usı qollanbalar tiykarında háreket etiw soraladı, biraq bul — májbúriy emes, eń baslısı aqıl menen is tutıw. Bul betti ózgertiwden aldın basqa paydalanıwshılar menen oylasıw usınıs etiledi. |
Shala maqala — Wikipedia joybarlarında bázibir paydalı maǵlıwmat keltirilgen, biraq teması ele enciklopediyalıq tártipte tolıq jarıtılmaǵan maqala. Ayırım jaǵdaylarda bunday maqala tek ǵana birneshe gápten (túsindirme hám/yamasa eń ulıwmalıq maǵlıwmattan) ibarat boladı. Áste-aqırın bunday maqalalar Wikipedia nızam-qaǵıydalarına tiykarlanıp tolıqtırılıwı lazım. Shala maqalalarǵa ádette {{stub}} úlgisi qoyıladı, biraq onı imkanı barınsha tematikalıq úlgige almastırıw usınıs etiledi.
Shala maqalalardıń óshiriliwi kerek bolǵan maqalalardan parqı: a) teması enciklopediyalıq áhmiyetke iye; b) eń áhmiyetli bólimler, keminde bir kategoriya, kerekli úlgiler hám interwikiler (eger bolsa) ámelde bar boladı. Shala maqalalar kishi kólemge iye boladı, biraq barlıq kishi maqalalardı shala maqalalar qatarına qosıw natuwrı. Geybir maqalalar temasına baylanıslı maǵlıwmat kemligi sebepli kishi bolıwı múmkin.