Tokyo Sky Tree
| Tokyo Sky Tree | |
|---|---|
| 東京スカイツリー | |
 Tokyo Sky Tree nembé prosès pembangunan (Maret 2011) | |
| Tetélan pokok | |
| Status | Selesai |
| Jinis | Menara giyaran, griya dhahar, lan menara observasi |
| Pernah | Sumida, Tokyo, Jepang |
| Diyasa kawit | 14 Juli 2008 |
| Rampung | 29 Fèbruari 2012 |
| Opening | 22 Mèi 2012 |
| Cost | ¥40 miliar (AS$440 juta) |
| Owner | Tobu Tower Skytree Co., Ltd. |
| Height | |
| Antenna spire | 634.0 m (2,080 ft) |
| Roof | 495.0 m (1,624 ft) |
| Top floor | 450.0 m (1,476 ft) |
| Technical details | |
| Lifts/elevators | 13 |
| Rancangan lan yasan | |
| Arsitèk | Nikken Sekkei |
| Developer | Tobu Railway |
| Main contractor | Obayashi Corp. |
Tokyo Sky Tree (東京スカイツリー Tōkyō Sukai Tsurī?, Pohon Langit Tokyo), sadèrèngipun dipunsebut New Tokyo Tower (新東京タワー? Menara Tokyo Baru) inggih punika menara giyaran, observasi lan griya dhahar ing Sumida, Tokyo, Jepang. Tokyo Sky Tree punika dados pratélan struktur paling inggil wonten ing Jepang saking taun 2010 kanthi inggil 634 mèter nalika Maret 2011 dados satunggaling menara paling inggil wonten ing donya ngluwihi Menara Canton ing Guangzhou [1]. Kajawi punika menara punika mlebet pratélan struktur paling inggil ing donya sasampunipun Burj Khalifa (829,84 m). Saking menara punika mbuktikaken bilih nagara Jepang punika wantun madegaken menara ingkang inggil wonten ing laladan ingkang asring lindhu.
Wiwitan Maret 2012 utawi pas satunggal taun lindhu lan tsunami kanthi magnitudo 9.0 wonten Jepang, Tokyo Sky Tree punika nembé kapungkasan anggènipun yasa lajeng dipunresmiaken.
Sadèrèngipun Tokyo Sky Tree rampung kabangun, ikon kutha Tokyo punika Menara Tokyo (332 m) ingkang sampun jumeneng saking taun 1958. Nanging wiwit taun 2012 Menara Tokyo banjur pensiun minangka menara komunikasi lan televisi kutha Tokyo. Menara Tokyo tetep jumeneng minangka papan turisme nanging fungsinipun dipunalihaken dhateng Tokyo Sky Tree kalabet dados pemancar TV digital.
Kanggé Jepang kawontenan Tokyo Sky Tree punika dados simbol taksih ungguling tèknologi Jepang mliginipun wonten ing babagan konstruksi ing papan ingkang asring wonten bencana.
Cagak kanggé nopang Tokyo Sky Tree ngginakaken teknik shinbashira ingkang kathah kaginakaken wonten ing Jepang. Teknik punika saged kanggé nyerap goncananging lindhu saha ngirangi owahing struktur yasan. Wonten ing sajarah Jepang dèrèng wonten cariyos yasan pagoda ingkang ambrol amargi lindhu. Tuladhanipun Menara Pagoda Kayu paling inggil wonten ing Jepanging Kuil Toji Kyoto (55 m) lan tetep madeg sasampunipun lindhu makaping kaping [2].
Menara tokyo Sky Tree punika ngadep Sumida lan Kali Arakawa, sarta mapan ing simbol-simbol laladan Tokyo. Kados namanipun, menara punika awujud cabang kados gagang wonten ing wit-witan ingkang kadamel saking tabung baja ingkang kuat sanget. Témbokipun kapaku kanthi kuat ing 330 kaki ngandhaping lemah kados oyoting wit kang nahan lindhu lan topan. Satunggal ruangan ing ndalem kapisah saking kerangka njawi, ide punika kapanggih saking lantai kuil pagoda tradhisional ingkang madeg kanggé ngirangi dampaking getaran lindhu 40 persèn [3].
Ugi pirsani
[besut | besut sumber]Cathetan suku
[besut | besut sumber]- ↑ [1] Archived 2013-03-05 at the Wayback Machine., Tokyo Sky Tree (dipun-akses tanggal 30 Oktober 2012).
- ↑ [2][pranala mati permanèn], Tokyo Sky Tree tertinggi di donya (dipun-akses tanggal 30 Oktober 2012).
- ↑ [3] Archived 2012-10-28 at the Wayback Machine., Tokyo Sky Tree menara tertinggi yang anti gempa (dipun-akses tanggal 27 November 2012).