David Packard

David Packard

David Packard
Lair	Cithakan:Birthdate Pueblo, Colorado
Pati	Maret 26, 1996(1996-03-26) (umur 83) Stanford, California
Wiyata	Stanford University, BA (1934), MA (1939)
Kondhang ing	Hewlett-Packard Company (HP)
Kutha asal	Pueblo, Colorado
Bojo	Lucile Salter (d. 1987)
Anak	David, Nancy, Susan, and Julie

David Packard (lair 7 Sèptèmber 1912 – pati 26 Maret 1996 ing umur 83 taun) inggih punika salah satunggaling pendiri Hewlett-Packard. Piyambakipun miyos wonten ing Pueblo, Coloradi, pikantuk gelar sarjana mudha saking Unversitas Stanford rikala taun 1934. Sasampun piyambakipun kerja nyambut damel wonten ing General Electric ing Schenectady, New York.

Rikala taun 1934, piyambakipun kondur saking New York dhateng Stanford, papan piyambakipun pikantuk gelar master ing babagan teknik elektro wonten ing taun candhakipun. Wonten ing taun ingkanng sami ugi, piyambakipun palakrama kaliyan Lucile Salter, ingkang lajeng kaparingan 4 putra, David, Nancy, Susan, lan Julie. Lucile Salter tilar donya wonten ing taun 1987.

Hewlett-Packard

Wonten ing taun 1939, piyambakipun lan William Hewlett yasa Hewlett Packard ing garasinipun kanthi modal dhasar antawis 538 dollar AS. Parusahan punika, ing pundi salajengipun kabukti bilih Packard minangka pengelola ingkang trampil lan Hewlett ingkang medalaken manèka inovasi teknologi, ngrembaka dados produsén piranti uji elektro lan piranti pangukur paling ageng ing donya. Parusahan punika lajeng ugi dados produsen utama kalkulator, komputer, lan mesin cetak laser sarta tinta. Packard nyariosaken wonten ing bukunipun “the HP way” bilih nama Hewlett Packard katemtokaken saking "lemparan" koin dados HP sanès PH.

Packard njabat minangka Présidhèn Hewlett-Packard saking taun 1947 dumugi 1964, CEO lan Ketua Dewan Direksi saking taun 1964 dumugi 1968, lan Ketua Dewan Direksi saking 1972 dumugi 1993. Nalika piyambakipun séda taun 1996, kepemilikan Packard ing parusahan mau dumugi langkung saking 1 miliar dolar AS.

Karier Pulitik

Nalika wiwit njabat nalika taun 1969, Présidhèn Richard Nixon nunjuk Packard minangka Deputi Mantri Pertahanan AS ing sangandhaping Mantri Pertahanan Melvin Laird. Packard njabat dumugi taun 1971, nalika salajengipun Packard ngunduraken diri lan rikala taun candhakipun wangsul malih njabat minangka ketua dewan dirèksi HP. Wonten ing taun 1970-an lan 1980-an, Packard minangka penasihat utama Gedung Putih babagan pengadaan lan pengelolaan pertahanan.

Kadermawanan

Wiwit taun 19'80-an dumugi piyambakipun séda taun 1996, Packard ndedikasikaken sapérangan ageng wekdal lan artanipun wonten ing proyek-proyek filantropi. Dipunwiwiti saking putrinipun Nancy lan Julie, nalika taun 1978 David lan Lucile Packard damel Yayasan Monterey Bay Aquarium. Pasangan punika nyumbang 55 juta Dollar AS kanggé yasa akuarium ingkang énggal, ingkang dipunbuka taun 1984 kanthi èksekutif direkturipun Julie Packard. Wonten ing taun 1987, Packard nyumbang 13 juta dollar kanggé mbiyangun institut panaliten Monterrey Bay Aquarium, lan wiwit wekdal punika Yayasan Packard nyamektakaken 90% anggaran operacional institut mau. Saking kadermawananipun, piyambakipun dipunanugrahi penghargaan United States Military Academy's Sylvanus Thayer Award taun 1982. Wonten ing taun 1964, pasangan mau mbiyangun Yayasan David lan Lucile Packard. Wonten ing taun 1986 kekalihipun nyumbang 40 juta Dollar AS kanggé yasa griya sakit anak ingkang lajeng dipunkenal minangka Lucile Salter Packard Children's Hospital ing Universitas Stanford. Griya sakit punika dipunbikak taun 1991.

Nalika piyambakipu séda, piyambakipun maringaken antawis 4 milyar dollar AS dhateng Yayasan Packard kalebet ugi properti wonten ing Los Altos Hill. Ketiga putri Packard wonten ing dewan wali amanah yayasan mau.