Sawah: Béda antara owahan
| Larik 40: | Larik 40: | ||
[[de:Reis#Reisanbau]] |
[[de:Reis#Reisanbau]] |
||
[[hi:धान]] |
|||
Révisi kala 22 Agustus 2013 08.05
Sawah utawa sabin (basa krama) iku tegal kanggo budidaya tanduran pari. Sawah iku biasané papané ana ing rawa-rawa teles. Yèn sawah garing, dijenengaké sawah gaga. Sawah dipethak-pethak lan diwatesi nganggo galeng utawa galengan (basa Indonésia: pematang). Sawah sing diwèhi banyu mawa sistèm irigasi diarani sawah irigasi, déné yèn banyuné mung ngandelaké saka tumuruning udan diarani sawah tadhah udan.
Sajarah
Para ahli purbakala umumé percaya yèn tetanèn ing lahan teles kaya sawah iki asalé saka Cina. Ing Caoxieshan, sawijining situs saka jaman budaya Neolitik Majiabang, ahli purbakala nemokaké patilasan sawah [1]. Sawetara ahli nyatakaké yèn Caoxieshan wus ana ing taun 4000-3000 S.M.[2][3], nanging saiki, tilas sawah sing luwih tuwa tinemu ing Koréa[4]. Ana bukti arkéologis yèn gabah disimpen kanggo pasadiyan militèr ing jaman Neolitik déning Dinasti Han ing Cina.[5]
Pangolahan lahan sawah sacara tradhisional
Ngolah lemah lahan sawah utmané sing disiapaké kanggo nandur pari sacara tradhisional antara liya dumadi saka saweatara pegawéyan kanthi urutan kaya mangkéné:
- Macul kanggo malik lemah utamané ing pinggir-pinggir galeng sing isih akèh ngandut hara.
- Mluku malik lemah nganggo piranti waluku.
- Nggaru ngratakaké lemah nganggo piranti garu sing disèrèt sapi utawa kebo
- Nyebar winih|Nyebar yaiku nyebar winih pari ing papan pawinihan.
- Ndhaut iku nyabuti winih pari saka papan pawinihan lan disiapaké kanggo ditandur.
- Tandur iku nandur bibit pari sing wis didaut sacara jèjèr ing lahan sing wis warata amarga digaru.
- Matun iku ngresiki suket utawa gulma
- Sulam yaiku nyulami utawa ngganti yèn ana sapèrangan wit pari sing mati
- Ngabuk yaiku mènèhi abuk ing sawah nganggo werna-werna abuk gumantung kabutuhan.
- Derep yaiku manèn pari kanthi cara tradhisional yaiku nganggo piranti ani-ani.
- Bawon yaiku bagi asil panèn pari antarané sing duwé sawah karo sing ngayahi derep. Sing umum wong derep antuk bagéan sapro enem utawa sapro wolu saka asilé derep.
Rujukan
- ↑ Fujiwara, H. (ed.). Search for the Origin of Rice Cultivation: The Ancient Rice Cultivation in Paddy Fields at the Cao Xie Shan Site in China. Miyazaki: Society for Scientific Studies on Cultural Property, 1996. (In Japanese and Chinese)
- ↑ Fujiwara 1996
- ↑ Tsude, Hiroshi. Yayoi Farmers Reconsidered: New Perspectives on Agricultural Development in East Asia. Bulletin of the Indo-Pacific Prehistory Association 21(5):53-59, 2001.
- ↑ Crawford, Gary W. and Gyoung-Ah Lee. Agricultural Origins in the Korean Peninsula. Antiquity 77(295):87-95, 2003.
- ↑ "Expansion of Chinese Paddy Rice to the Yunnan-Guizhou Plateau". Dibukak ing 2007-08-06.
Pranala jaba
 |
Wikimedia Commons duwé médhia ngenani Sawah. |
| Artikel iki minangka artikel rintisan. Kowé bisa ngéwangi Wikipédia ngembangaké. |